فاهيتا الدجاج للشيف حسن

المقادير:


4 صدور فراخ-5 جرام ملح -5 جرام فلفل-5 جرام بهارات فراخ
التتبيلة:

100 جرام عسل ابيض(1/2 كوب)-50 جرام جنزبيل بودرة-100 جرام صويا صوص(1/2
كوب)-50 جرام ورشستر صوص(1/4 كوب)-50 مل ماء

2 بصل جوليان-2 فلفل الوان جوليان-2 عصير ليمون-100 جرام صويا صوص
الطشة:

50 جرام زيت-50 جرام صويا صوص-50 مل ماء
الطريقة:

اتبل الفراخ بالملح والفلفل والبهارت

وبعد كدا اجيب وعاء اضع فيه العسل والجنزبيل والصويا صوص والماء ونقلبهم مع
بعض كويس اوي واضع الفراخ فيها وهتقعد 6 ساعات


وبعدين اضعها علي الشواية او الجريل وشوية واقلبها علي الوش التاني واسويها
50% وبعدين اضعها في صينية واقفلها بالومنيوم فويل وادخلها الفرن علي درجة
حرارة 200 تكمل سواها

وبعدين اجيب وعاء واضع فيه البصل ووعاء اضع فيه الفلفل واضع في الوعائين
صويا صوص واضع هنا وهنا عصير الليمون واقلبهم مع بعض واضع هنا وهنا شوية
زيت ونضع البصل علي الشواية ونقلبه بسرعة واضع الفلفل واقلبه كويس علي
الشواية يتشوي بعد لما اشيل البصل

وبعدين اشيل الفراخ من الفرن بعد لما تستوي واقطعها شرائح واجيب طاسة
واضعها علي النار ولازم تكون سخنة اوي اوي واضع فيها الفلفل في الجناب
والبصل في النص وعليهم شرائح الفراخ

واجيب حلة صغيرة اسخنها واضع فيها الزيت والميه والصويا صوص ويغلوا مع بعض وارشها علي الفراخ