السلام عليكم ورحمة الله
الوصفة دى اخدتها من كتاب حلويات قديم عندى بس تقريبا موجود فى كل بيت مصري للشيف/عديلة عزيز
وصفة كيك سهلة وبسيطة وطعمها متميز لإنها غنية
المكونات:
ربع كيلو زبدة طرية
تلت كيلو دقيق
ربع كيلو سكر بودرة
8 بيضات
3 ملعقة صغيرة بيكنج بودر
فانيليا
كوب فواكه مجففة (استخدمت تين وقراصيا ومشمش)
ومفيش مواد سايلة زى حليب لإن الكيكة قوامها سميك شوية عن الكيكات العادية
الطريقة:
فى اناء هنحط الزبدة والسكر البودرة
ونضربهم مع بعض كويس بالمضرب لغاية مايبقى الخليط لونه ابيض وقوامه كريمى
ونضيفلهم البيض والفانيليا
ونضربهم كويس ونضيفلهم الفواكه المجففة
ونقلبهم مع الخليط واخر حاجة هنضيفها الدقيق والبيكنج بودر
ونضرب كل المكونات لغاية مايمتزجوا ونحط خليط الكيك فى صينية مدهونة كبيرة ونساويه جوه الصينية بالاسباتيولا
دخلته فرن حرارته هادية ولما طلع وبرد زينته بالسكر بودرة او حسب رغبتكم
يارب تكون عجبتكم
وبالهنا والشفا
موضوع: دندى كيك بالفواكه المجففة من مطبخ الشيف مونى بالصور 
الثلاثاء ديسمبر 01, 2015 5:03 pm
