السلام عليكم ورحمة الله
كل عام وانتم بخير
مكونات العجينة:
5 كوب دقيق
بيضة
فانيليا
رشة ملح
3 ملعقة كبيرة عسل نحل
كوب لبن رايب
ملعقة ونصف صغيرة خميرة فورية
ربع كوب حليب بودرة
6 ملعقة كبيرة زبدة طرية
مكونات الحشو:
كوب بندق مطحون
نصف كوب سكر بودرة
6 مربعات جبنة كيرى
وللتزيين:
كوب الا ربع سكر بودرة
ملعقة ونصف كبيرة ماء
بندق مطحون
بيضة مخفوقة وفانيليا لدهان الوجه
الطريقة:
فى كسرولة هنحط الزبدة والعسل واللبن الرايب
ونشغل عليهم نار هادية واول مايغلوا نطفى عليهم النار ونسيبهم يبردوا وفى اناء هنحط الدقيق والخميرة والملح والحليب البودرة
هنخلطهم ونضيفلهم البيضة والفانيليا وخليط اللبن الرايب وعسل النحل والزبدة بعد مايكونوا بردوا
ونعجن المكونات دى كويس لغاية ماتتكون معانا عجينة ناعمة وطرية
هنغطى العجينة ونسيبها تخمر فى مكان دافى لمدة ساعة وبعد ماتخمر هنفردها على شكل مربع وهنوزع فوقها الجبنة الكيرى
والسكر البودرة
والبندق المطحون
ونلفها على شكل رول ونقفل الرول ده فهتبقى على شكل دايرة وندخل الاطراف جوة بعض عشان متفتحش مننا فى الفرن مع حرارة الفرن وهنحطها فى صينية مدهونة وهنقطعها من فوق بالسكينة نص قطعة يعنى مش لغاية الاخر بس يبان الحشو والطبقات وهندهن وشها بالبيضة والفانيليا
دخلتها فرن متوسط الحرارة ومسخن مسبقا ولما استوت طلعتها حطتها على طبق التقديم وجبت السكر البودرة دوبته مع الميه لغاية مابقى قوامه متماسك حطيته فى كيس التزيين وعملت على الفطيرة خطوط بيضا من فوق زينتها بيها ورشيت عليهم البندق المطحون وده شكلها النهائى
وده شكلها بعد ماقطعناها
جربوها وان شاء الله هتعجبكم جدا لإنها غنية بالمكونات سواء العجينة او الحشو وطعمها متميز
وبالهنا والشفا
موضوع: فطيرة البندق والجبنة الكيرى من مطبخ الشيف مونى بالصور 
الأربعاء يوليو 08, 2015 11:18 pm
