عدد المساهمات : 279 تاريخ التسجيل : 31/07/2011 العمر : 38 الموقع : elshefmony.mam9.com
موضوع: البرازق الشامية بالسمسم من مطبخ الشيف مونى بالصور الجمعة يوليو 18, 2014 2:52 pm
السلام عليكم ورحمة الله كل سنة وانتو طيبين المكونات: 2 كوب دقيق كوب سمنة سايحة بيضة كبيرة كوب الا ربع سكر بودرة نصف ملعقة صغيرة فانيليا سايلة وممكن استبدالها بماء زهر ملعقة صغيرة بيكنج بودر ملعقة صغيرة محلب مطحون(والمحلب بذور نبات شجرى بيعطى للحلويات والمعمول نكهة خاصة وبيتباع عند العطار) بيضة مخفوقة وفانيليا لدهان الوجه سمسم محمص الطريقة: فى اناء هنحط السكر البودرة والبيضة والمحلب المطحون ونضربهم بالمضرب السلك
وفيه ناس مش بيضيفوا بيض للمكونات بس انا سألت شيف حلويات سورى قال ان البرازق لازم يتحطلها بيض هنبدأ نشكل العجينة ففكرت انى اخد جزء من العجينة واضغط عليها بظهر الكوباية عشان اسهل على نفسى الموضوع واضغط عليها بايدى عشان ارفعها لأنها كل ماكانت رفيعة بقت احلى ونقطعها بقطاعة الدايرة ونشيل الزيادات عشان الاشكال تبقى منتظمة وندهن وشها بالبيض والفانيليا ونحط على وشها السمسم المحمص وفيه ناس بتحط فى ظهر البرازق فستق ده اساسى فى الشام اللى هى بلد البرازق هنخبزها فى فرن حرارته هادية ونطلعها لما وشها يحمر وهى مش بتاخد وقت طويل فى الفرن وده شكلها بعد ماطلعت من الفرن
موضوع: البرازق الشامية بالسمسم من مطبخ الشيف مونى بالصور 
الجمعة يوليو 18, 2014 2:52 pm
