عدد المساهمات : 279 تاريخ التسجيل : 31/07/2011 العمر : 38 الموقع : elshefmony.mam9.com
موضوع: بسكويت النشادر من مطبخ الشيف مونى بالصور الإثنين يوليو 21, 2014 3:12 pm
السلام عليكم ورحمة الله
كل سنة وانتوا طيبين
المكونات:
كيلو دقيق
ربع كيلو سمنة بلدى سايحة بس مش سخنة
5 بيضات كبار
كوب حليب بارد
تلت كيلو سكر بودرة
ملعقة صغيرة بيكنج بودر
ملعقة كبيرة نشادر(النشادر هو غاز الامونيا له ريحة نفاذة بيشبه النشا فى شكله فقط وبنشتريه من عند العطار)
ملعقة صغيرة فانيليا
الطريقة:
هنخفق البيض كويس جدا بالمضرب الكهربائى لغاية مايتكاثف قوامه وندوب النشادر والبيكنج بودر فى كوباية الحليب البارد ونضيفهم للبيض ونخفقهم وفى اناء فاضى هنحط السمنة والسكر بودرة ونضربهم بالمضرب ونضيفهم لخليط البيض والحليب ونضربهم بالمضرب ونضيفلهم الدقيق المنخول بالتدريج ونقلبه معاهم لغاية ماتتكون عجينة ونبدأ نشكله واحسن حاجة لتشكيل البسكوت هى المفرمة الحديد بتاعة زمان اللى كنا بنفرم فيها اللحمة دى بتخلى تقطيعه سهل وشكله حلو ولو مش متوفرة عندكم ممكن تستخدموا ماكينة الساوا او كيس التزيين وهنحطه فى صوانى مدهونة
هنخبزه فى فرن حرارته متوسطة واول مايحمر من تحت ويستوى نطلعه وده شكله بعد ماخرج من الفرن طبعا فيه طرق تانيه لبسكويت النشادر بس الطريقة دى خفيفة وحلوة انتو اختاروا الاسهل بالنسبالكم ويارب موضوعى البسيط ده يكون عجبكم
موضوع: بسكويت النشادر من مطبخ الشيف مونى بالصور 
الإثنين يوليو 21, 2014 3:12 pm
