السلام عليكم ورحمة الله
كل عام وانتوا بخير
مكونات عجينة الزبادي:
2ونصف كوب دقيق
كوب زبدي
نصف ملعقه كبيره خميره جافه
ملعقه صغيره سكر
2 ملعقه كبيره زيت نباتي
مكونات حشوة الدجاج:
نصف كيلو صدور دجاج مخليه
ملعقه صغيره صويا صوص
2 ملعقه صغيره مسترده
ملعقه صغيره بابريكيا
2 ملعقه صغيره بهارات دجاج
فلفل اسود
ملح
2 ملعقه صغيره كركم
ملعقه صغيره سماق
ملعقه صغيره بودرة بصل
(ودي تتبيلتي المعتاده للفراخ لو انتوا بتتبلوها بطريقه تانيه براحتكم التتبيله حسب الرغبه)
2 طماطم مقطعه مكعبات
فلفلة مقطعه
2 ملعقه كبيره زيت
كوب جبنه موزاريللا
بيضه مخفوقه وفلفل اسود لدهان الوجه
الطريقه:
قبل تحضير الفطيره بيوم هنتبل الفراخ ونسيبها ليله كامله في التلاجه ولو انتوا مستعجلين ممكن من 3ل6 ساعات بس الاحسن تسيبوها يوم كامل
وتاني يوم هنحضر العجينه هنحط كل المكونات مع بعض
ونعجنها
والعجينه طبيعتها انها طريه وهنغطيها ونسيبها تختمر لمدة ساعه والعجينه مفيهاش ميه انا عجنتها بالزبادي وفي الوقت ده هنقطع الفراخ مكعبات ونحطها في مقلاه على النار مع الطماطم والفلفل والزيت
ونسيبها على النار لغاية ماتستوي
عشان نضمن ان الفراخ استوت قبل ماندخلها الفرن لإن عجينة الزبادي هشه ومش بتاخد وقت طويل في الفرن على ماتستوي ونسيبها تبرد وبعد ماختمرت العجينه هنقسمها تلات اربع وربع
وهناخد الجزء الكبير من العجينه نفرده بالنشابه
ونحطه في الصينيه
ونحط فوقها الفراخ
وفوقهم الجبنه الموزاريللا
والجزء الصغير اللي سبناه من العجينه هنعمل منه شرايط نزين بيها الفطيره
وندهن وشها بالبيضه المخفوقه والفلفل الاسود
ونسيبها تختمر نص ساعه قبل ماندخلها الفرن وندخلها فرن متوسط الحراره ومشغلينه قبلها بربع ساعه ونطلعها لما تستوي ووشها يحمر وده شكلها النهائي
وبالهنا والشفا