عيش الشباتى الهندى من مطبخى بالصور

السلام عليكم ورحمة الله وبركاته
ايوة زى العنوان
على البوتاجاز بيستوى من غير فرن ولا خميرة
ده نوع اسمه عيش الشباتى الهندى
شفت حورية المطبخ عملته فعملته
بس يمكن انا مغيرة حاجات بسيطة
المقادير
2 كوب دقيق
ردة حسب الحاجة
اى نوع زيت
ماء للعجن وممكن لبن
انا بعجنه باللبن
هتنخلى الدقيق وهتحطى عليه الرده بعد ماتنخليها يعنى حفنة ردة بايدك
عشان لما الرده بتكتر بيمرر
هتخلطيهم ببعض
وهتحطى الميه او اللبن واحدة واحدة
لغاية ماتحسى ان العجينة ناعمة ومش بتلصق فى ايدك اوى
وبعدين هتحطى شوية زيت قد معلقتين كبار مثلا او اقل
على حسب مابتحبى
وتضلى تعجنى شوية بايدك(يعنى تقرصى العجينة)
هتسيبى العجينة ترتاح من ربع لنص ساعة
سبتيها وارتاحت
هترشى دقيق ع الترابيزة وهتقسمى العجينة لكور صغيرة
وتفردى كل كورة بالنشابة
وحاولى ان الرغيف يبقى رفيع مش سميك
لأن كل ماكان رفيه هيتنفخ ع النار ويورق
هتكونى مسخنة قبلها صينية على نار عالية على البوتاجاز
وعلبة ليها غطا
او قماش جوة كيس
هتحطى الرغيف فى الصينية وتفضلى تقلبيه بالمساكة
اول حاجة لونه هيتغير
وهيعمل فقاقيع صغيرة
بعدها هيتنفخ ويقب
ساعتها توطى النار وتقلبيه
لغاية مايتنفخ كله او معظمه
هتشيليه وتحطيه جوة العلبة او الكيس
لأنك لو سبتيه بره هينشف بسرعة
وتاكليه لما يبرد
وبالمناسبة هو طعمه خطييييييييييييييير وصحى جدا
وهيبقى حلو اوى فى السحور
وطبعا الاحلى انه عمايل ايدك مش هتضطرى تشترى عيش
وموفر جدا
ال 100 جرام دقيق بيعمله 9 ارغفة
دلوقتى بقى هسيبكم مع الصور بالتفصيل









دى لما العجينة ارتاحت












هنا بعد ماحطيته بثوانى بدء يعمل فقاقيع صغيرة لو تقدرو تشوفوها




هنا لما بدء يتنفخ ويقب




لما تقلبى الرغيف وتلاقيه نفس لون الوش ده تشيليه فورا عشان ميتحرقش منك

░░
░▒▓▒░
░▒▓█▓▒░
░▒▓███▓▒░
░▒▓█████▓▒░
░▒▓██████▓▒░
░▒▓█████████▓▒░
░▒▓██روووعة رووووووووعـــة ██▓▒░
░▒▓████████▓▒░
░▒▓█████▓▒░
░▒▓███▓▒░
░▒▓█▓▒░
░▒▓▒░
░▒░

ما شاء الله ربنا يحميكى هجربة وباذن الله يظبط معايا ربنا يكرمك ويسعدك يااحلى شيف