السلام عليكم ورحمة الله
كيكة التايجر وليها كزا اسم زى كيكة الدوامة او زيبرا كيك
مكوناتها:
2 ونصف كوب دقيق
كوب ونصف سكر
كوب الا ربع حليب
كوب زبدة سايحة
4 بيضات كبار
فانيليا
ملعقة صغيرة بيكنج بودر
4 ملعقة صغيرة كاكاو خام
الطريقة:
فى اناء هنحط البيض والفانيليا والسكر
ونضربهم بمضرب البيض ونضيفلهم الحليب والزبدة السايحة ونضربهم
ونضيفلهم الدقيق والبيكنج بودر
ونضربهم بالمضرب لغاية مايمتزجوا مع بقية الخليط
هناخد نص كمية العجينة نضيفلها الكاكاو الخام ونقلبهم بالويسك او بأى معلقة خشبية لغاية مايمتزجوا
وحضرت صينية مدهونة ومرشوشة بالدقيق مقاس 26 وممكن 24 هناخد معلقة كبيرة من عجينة الكاكاو ونحطها فى وسط الصينية
وناخد معلقة كبيرة من خليط الفانيليا ونحطها فوق عجينة الكاكاو اللى فى الصينية
وناخد تانى معلقة كبيرة من عجينة الكاكاو نحطها على عجينة الفانيليا وهكذا لغاية ماتخلص العجينة وتملا الصينية وهنروح ونيجى عليها بالعصاية الخشب بتاعة المشويات او بالشوكة هتدينا شكل التايجر او الدوامة
وهخبزها فى فرن منخفض الحرارة لغاية ماتستوى وانا حطيت كمية بيكنج بودر قليلة عشان الكيكة مترتفعش اوى جوة الفرن وتتشقق والشكل يبوز وده شكلها النهائى بعد ماطلعت من الفرن وقدمتها
وبالهنا والشفا
موضوع: كيكة التايجر من مطبخ الشيف مونى بالصور 
الخميس أغسطس 13, 2015 7:29 pm
