عملت السينابون بطريقتين مختلفين عن بعض بالنسبة لطريقة العجينة وبالنسبة لصوص التزيين والاتنين طعمهم احلى من بعض وانتوا عليكم تختاروا الطريقة اللى شايفنها اسهل بالنسبالكم
مكونات العجينة:
3 ونص كوب دقيق
بيضة
كوب حليب
ملعقة صغيرة خميرة فورية
ملعقة صغيرة سكر
ربع كوب سكر
فانيليا
4 ملعقة كبيرة زبدة طرية
فانيليا
مكونات الحشو:
سكر بنى(ممكن نستبدله بسكر ابيض)
قرفة
زبدة طرية
مكونات صوص التوفى:
كوب سكر بنى
4 ملعقة كبيرة زبدة طرية
نصف كوب فريش كريم(كريمة لبانى)
الطريقة
فى كوباية هنخلط ملعقة الخميرة الفورية مع ملعقة السكر
وندفى كوباية الحليب ونضيفهالم
وندوبهم ونسيبهم على جنب 10 دقايق يختمروا
وفى اناء هنحط البيضة والفانيليا والزبدة
ونقلبهم بالويسك او اى معلقة خشب
وفى اناء تانى هنحط الدقيق مع الربع كوباية سكر
ونخلطهم ونعمل حفرة فى النص نحط فيها كوباية الحليب والخميرة
ونعجنهم
ونضيفلهم خليط البيض والزبدة
ونعجنهم كويس لغاية ماكل المكونات تمتزج وهيبقى عندنا عجينة طرية وفى نفس الوقت متماسكة
ونسيبهم يختمروا لمدة ساعة
ونفردها على ترابيزة مرشوشة بالدقيق على شكل مربع وندهنها بالزبدة الطرية
ونضيفلها السكر البنى
والقرفة
ونلفها على شكل رول
ونقطعها قطع متساوية ونحط فى صينية مدهونة على مسافات متباعدة
ونسيبهم يختمروا شوية على الصينية بس مش كتير وعلى فكرة الشيف فى محل سينابون مش بيسيبهم يختمروا خالص على الصوانى بيدخلهم الفرن على طول
انا دخلتهم فرن حرارته متوسطة ومسخن مسبقا وكل واحد حسب فرنه
وهبدأ احضر صوص التوفى
تاااااااااااااااااااااابعونى
موضوع: السينابون بصوص التوفى وصوص الجبنة الكريمى من مطبخ الشيف مونى بالصور 
الخميس فبراير 19, 2015 12:20 pm
