السلام عليكم ورحمة الله وبركاته
احب اعرفكم بنفسى
انا الشيف مونى
يعنى سميت نفسى شيف مجازا
لأنى بحب الطبخ والمطبخ جدا
هواية عندى
وكانت بداية حبى للطبخ سببه منتدى مشهور جدا
وطبعا مامتى استاذة فى المطبخ
وبردو هتشوفو وصفاتها
هدفى من انشاء المنتدى
ان كل ست وبنت بتحب المطبخ تيجى وتنشر وصفاتها هنا
وان كل ست وبنت مش بتحب المطبخ
تحبه لما تدخل المنتدى
وتتعلم كل شىء هنا يخص المطبخ من الالف للياء
وعايزة اقولكم ان احنا مش هنبقى اعضاء فى منتدى
احنا ان شاء الله هنبقى اسرة واحدة واخوات فى الله
مفيش اى حاجة هتكون رسمية بينا
ورسالتى للبنات اللى فاكرين الطبخ والمطبخ متعلق بستات البيوت
وهما فى جامعة او كلية قمة فمينفعش تدخل المطبخ وتوسخ ايدها
لا يابنات
المطبخ مش متعلق بس بستات البيوت
لازم كل واحدة فيكم على الاقل اللى مش بتحب الطبخ
تعرف تعمل الحاجات الاساسية
اولا عشان لما تتزوج ان شاء الله
ثانيا حتى لو انتى مش عايزة تتجوزى او هتتجوزى وهتجيبى شغالة
مينفعش تاكلى حاجة انتى مش عارفة معمولة ازاى ومحطوط فيها ايه
ده غلط وخطر عليكى
ده غير طبعا ان اكل المطاعم كله مش مضمون
واحنا كلنا بنسمع عن البلاوى اللى بتحصل فى اكل المطاعم
لازم كل بنت تعرف تطبخ عشان تنفع نفسها
وعلى فكرة انا بحضر ماجيستير
ومبطلتش ادخل المطبخ حتى فى عز انشغالى
وبفتخر قدام كل زمايلى انى بعرف اطبخ وانى بحب المطبخ
ان شاء الله هنزل وصفاتى هنا وانتو تقولوا رأيكم
ومستنياكم انتو كمان عشان تورونى شطارتكم
انا فى انتظاركم
طبعا بفكر اى حد هيقرأ الكلام ده
مفيش مانع من اشتراك الذكور بس ان كان عندهم هواية الطبخ وهيفيدونا بوصفاتهم
موضوع: أحب اعرفكم بنفسى 
الأحد يوليو 31, 2011 7:58 pm
