السلام عليكم ورحمة الله
مكونات الكيكة:
4 بيضات
فانيليا
2 كوب دقيق ناقص ملعقتين كبار
2 ملعقة كبيرة كاكاو خام
كوب ونصف زبدة سايحة(وممكن كوب زبدة سايحة ونصف كوب حليب)
2 ملعقة صغيرة بيكنج بودر
كوب سكر
مكونات صوص الشوكولاته:
كوب الا ربع كاكاو خام
كوب الا ربع سكر
كوب الا ربع حليب
قطعة كبيرة زبدة
الطريقة
بالنسبة للكيك فى اناء هنحط البيض والفانيليا
ونضربهم بمضرب البيض
ونضيفلهم الزبدة السايحة والسكر
ونضربهم
ونضيفلهم الدقيق والبيكنج بودر والكاكاو الخام
ونضربهم كويس لغاية مالمكونات تمتزج ونحطه فى قالب مدهون
خبزتها فى فرن حرارته هادية وطبعا كل فرن غير التانى وده شكلها لما استوت
قلبتها على طبق وسبتها تبرد وبدأت اعمل صوص الكاكاو والطريقة انى هحط الزبدة والسكر والكاكاو الخام فى كسرولة
وهضيفلهم الحليب
واقلبهم واسيبهم يغلوا على النار وانا بقلبهم عشان كل المكونات تمتزج
وهصفى الصوص عشان لو فيه اى كلاكيع
وهحطه على الكيكة وده شكلها النهائى بعد ماحطيت عليها الصوص واللولى الالوان
وبالهنا والشفا
موضوع: كيكة الشوكولاته بصوص الشوكولاته من مطبخ الشيف مونى بالصور 
الثلاثاء أبريل 14, 2015 6:00 pm
