السلام عليكم ورحمة الله
كل عام وانتم بخير
مهلبية قمر الدين دايما بعملها بقمر الدين اللى بيفضل بعد رمضان وبما ان الايام دى معظم الناس صايمين فهتكون حلوة اوى بعد الفطار كتحلية وكمان مناسبة فى الجو ده لأننا بناكلها باردة
المكونات:
3 كوب عصير قمر الدين(مصفى وغير محلى)
4 ملعقة كبيرة نشا
نصف كوب سكر(ممكن تزودوه او تنقصوه حسب الرغبة)
ماء ورد(اختيارى)
بندق مجروش للتزيين(او حسب الرغبة)
الطريقة:
دى صورة المكونات
فى كسرولة هنحط كل المكونات مع بعض وبالنسبة للنشا ممكن تزودوه لو بتحبوا قوام المهلبية سميك لأن المكونات دى هتخلى قوام المهلبية خفيف
وهنخفقهم بالخلاط اليدوى عشان المكونات تتجانس وممكن فى الخلاط العادى لو اليدوى مش متوفر
وهنحطه على نار هادية مع التقليب لغاية مايبدأ يغلى
ونسيبه يغلى لغاية ماقوامه يغلظ والنشا يستوي ولو تلاحظوا من الصورة بعد مايستوى النشا هيرجع لون قمر الدين لطبيعته اللى هون اللون الغامق
نحطه فى اطباق التقديم ونسيبه يبرد فى التلاجه ونقدمه
وبالهنا والشفا
موضوع: مهلبية قمر الدين من مطبخ الشيف مونى بالصور 
الجمعة سبتمبر 26, 2014 11:40 am
