منتدى الشيف مونى

منتدى متخصص فى المطبخ

 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 المفتقة المصرية على اصولها فى البيت من مطبخ الشيف مونى بالصور

اذهب الى الأسفل 
كاتب الموضوعرسالة
الشيف موني



عدد المساهمات : 279
تاريخ التسجيل : 31/07/2011
العمر : 32
الموقع : elshefmony.mam9.com

مُساهمةموضوع: المفتقة المصرية على اصولها فى البيت من مطبخ الشيف مونى بالصور   الخميس يناير 12, 2012 12:38 pm

النهاردة ان شاء الله هقدملكم وصفة مصرية قديمة وتراثية وأساسية فى الشتا لإنها بتدفى وهى المفتقة وكمان فيه ناس بتستخدمها كعلاج للنحافة اذا اكلنا منها كتير وللأنيميا يعنى ليها فوايد كتير ومكوناتها الأساسية العسل الأسود وفيه ناس بيقولوا عليها الحلبة المعقودة وفى مدينة بورسعيد مثلا بيقولوا عليها الحلاوة السودا بس اكتر اسم مشهور فى مصر ليها هو المفتقة وانا بعملها بداية الشتا كمية كبيرة بتقعد لأخره وفيه منها بيتباع جاهز بس اللى فى البيت احسن
انا هكتب المقادير والطريقة زى مابنعملها فى المدينة اللى انا عايشة فيها مدينة الاسماعيلية لإن الطريقة المتعارف عليها فى مصر واللى بتيجى فى برامج التلفزيون المصرية غير اللى انا هكتبها بس الطريقة اللى انا هكتبها دى تعتبر هى الطريقة الأصلية للمفتقة لإن كل مكون فيها لوحده ليه فوايد هى المكونات هتبقى بالنسبالكم غريبة شوية لإنها مش متعارف عليها بس طبعا كل مكونات المفتقة موجودة عند العطارين الكبار ماعدا العسل الأسود
المكونات:


5كيلو عسل اسود
ربع كيلو تحويجه
ربع كيلو سمسم
نصف كيلو جوزهند
ربع كيلو حبة البركه مطحونه
كتيره ضانى ب 10جنيه
حبه خضراء 6 جنيه
زجاجه زيت
بجنيه لبان قدحه ومسيحات
الطريقة:
دى صورة التحويجة وعلى فكرة التحويجة دى هى المغات

ودى صورة الكتيرة الضانى وهوضحلكم بعد كده ليه سموها كده

دى صورة الحبة الخضراء وهى اللى بتدى اللون الاخضر الطبيعى للمفتقة

دى صورة المسيحات ولبان القدحة

دى الحبة الخضراء بعد ماحمصناها وطحناها



دى الكتيرة الضانى بعد مانقعناها فى فنجان ميه سخنة لمدة 6
ساعات وسموها كتيرة لانها بتكتر وبتنفش فى الميه وضانى عشان لما بتنفش
بتبقى عاملة زى اللية الضانى وهى اللى بتدى قوام للمفتقة وعلى فكرة هى كمان
علاج للمعدة




هنا واحنا بنقدح الحبة الخضراء فى الزيت وطبعا بعد كده هنصفيها

هنا واحنا بنقدح المسيحان فى الزيت وبردو هنصفيها

لما قدحنا الحبة الخضرا المطحونة صفيناها وحطيناها على جنب
ولما هنقدح لبان القدحة والمسيحات هنصفيه ونحط الزيت فى الحلة اللى هنعمل
فيها المفتقة
هنا وانا بحمر التحويجة فى الزيت اللى صفيت منه المسيحات


ولما اتحمرت شوية حطيت عليها كمية العسل اللى عندى


فضلت اقلبهم مع بعض على النار لغاية ماكل كلاكيع التحويجة اختفت وبعد كده حطيت عليهم حبة البركة المطحونة

قلبتهم مع بعض وبعدها حطيت عليهم نص كوباية الزيت اللى قدحنا فيها الحبة الخضرا وصفيناه

تاااااااااااااااااااابعونى















































































عدل سابقا من قبل الشيف مونى في الثلاثاء نوفمبر 10, 2015 5:35 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
الشيف موني



عدد المساهمات : 279
تاريخ التسجيل : 31/07/2011
العمر : 32
الموقع : elshefmony.mam9.com

مُساهمةموضوع: رد: المفتقة المصرية على اصولها فى البيت من مطبخ الشيف مونى بالصور   الثلاثاء نوفمبر 10, 2015 5:23 pm

وقلبتهم طبعا وبعد كده حطيت عليهم الكتيرة الضانى المنقوعة ولازم افضل اقلب لغاية ماأتأكد ان الكتيرة كلها دابت فى العسل ومفيش كلاكيع

كده احنا خلصنا الاساسيات هعصر على العسل ليمونة واسيبه يغلى على نار هادية من تلت لنصف ساعة وطبعا مش هغطى الحلة
ده والعسل بيغلى

بعد تلت ساعة والعسل بيغلى اخد شوية فى كوباية ان لقيته عمل قشرة ومسكته لقيته ملصق فى بعضه يبقى كده المفتقة اتعقدت واقدر ساعتها اضيفلها السمسم وطبعا لسه مشغلة النار مش هطفيها دلوقتى
ده وانا بضيف السمسم بعد مالمفتقه اتعقدت

هقلب السمسم فى المفتقة وهى ع النار

وهنا بعد ماطفيت النار

سبتها تهدا وتبرد
بعد كده حطتها فى برطمانات وسبت مسافة من فوق عشان احط جوز الهند وبندق مطحون او طبعا اى مكسرات انتوا بتحبوها





يارب الموضوع يكون عجبكم

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
 
المفتقة المصرية على اصولها فى البيت من مطبخ الشيف مونى بالصور
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشيف مونى :: مطبخ الشيف مونى :: الحلويات :: الحلويات الشرقية والغربية-
انتقل الى: