العيش الفينو للشيف حسن

المقادير:

[size=12]1 كيلو دقيق مخبوزات-30 جرام خميرة بودر-5 جرام محسن خبز-10 جرام سكر-10 جرام ملح-40 جرام لبن بودرة-
40 جرام زبدة-550 مل ماء
الطريقه:
الفرن شغال علي 220
اجيب العجانة واركب الحلزوني واضع الدقيق
والخميرة ومحسن الخبز والسكر واللبن البودرة واخفقهم مع بعضهم واجيب الزبدة
وهيه مقطعة قطعة صغيرة مكعبات واضعها والعجانة شغالة واضيف الماء والعجانة
شغالة بالتدريج ونشغل علي السرعة الاولي 3 دقائق علي السرعة الاولي عشان
الموتور مايتحرقش ولما العجينة تلم وتبيض اضيف الملح واعلي السرعة لمدة 4
دقائق ولما اتاكد انها مش بتلزق في العجانة اوقف العجانة واخرج العجينة
واقعد اكور فيها شوية وبعدين اضع تحتها دقيق واغطيها بقماشة واتركها ترتاح
20 دقيقة لازم تستريح واقطعها قطع كل قطعة 80 جرام واجيب اول قطعة وافردها
اثني طرفها واضغط عليها قفلها واثني الطرف الثاني واضغط عليه وبعدين اقفلها
من الطرف اليمين واضغط عليه والطرف الشمال واضغط عليه زي الظرف وبعدين
اكورها حلزوني واضعه في صينية مدهونة مادة دهنية واضعها في مكان دافئ لمدة
ساعة لغاية مايتضاعف حجمها وبعدين اجيب سكينة حامية عشان افتحله المسام
بتاعته واعمل خطوط بالورب بالراحة وتكون ايدي خفيفة زي خربشة بس كدا عشان
التخمير مايبوظش وادخله الفرن من 20 الي 25 دقيقة ولو عاوزاه يطلع عليه
لمعة لما يطلع اجيب ربع كوب لبن مع معلقة سكر واقلبهم مع بعض وابخ علي
العيش قبل لما يدخل الفرن
وبس وبالهنا والشفا يافتوكاتي وياريت اللي تجربها تقولي بردو عشان كلنا نستفيد من بعض

وعامة دا رابط الفيديو عشان بردو تبقوا متخيليين الطريقه معايا
https://www.youtube.com/watch?v=SHQk_5CP3R4
https://www.youtube.com/watch?v=--xUi...eature=related
[/size]

» رافيولي للشيف حسن
» فاهيتا الدجاج للشيف حسن
» باذنجان رولز للشيف حسن
» شيش سمك للشيف حسن
» الفلورنتين للشيف حسن