جبت نص كيلو لحمه فرمته وفرمت عليه بصلتين وتبلته بملح وفلفل وبهارات وحبهان
وعملت صوابع كفته وحطتها فى صينيه وحطيت معلقتين سمنه وشغلت عليهم النار لغاية مالكفته جابت ميتها وطفيت
وجبت
4 طماطم و4 فلفلات رومى باردين و4 جزرات ومعلقه كبيره بصل مبشور وفرمت كل
الخضار ده وخلطتهم على بعض وحطيت معاهم فلفل اسود وملح وبهارات وزعتر
ومعلقة طحينه ومعلقة مسترد
وخلطتهم تانى
وشغلت النار على صينية الكفته تانى وحطيت ع الكفته كل الخضار ده وغطتها
والكفته استوت فى مية الخضار
بعد كده دخلت الصينيه الفرن عشان انشف ميتها واحمر وشها وطلع طعمها خطييييييييييييير جدا
دلوقتى هسيبكم مع الصور
هتلاقو الصينيه ناقص منها حته عشان اخويا مقدرش يمسك نفسه لغاية ماخلص تصوير
وعلى فكره عملت معاها مكرونه
ياريت تفتكرونى فى الرد يامؤمنات
موضوع: صينية الكفتة بالخضار من مطبخى بالصور 
الأربعاء أغسطس 03, 2011 2:01 pm
