السلام عليكم ورحمة الله
المكونات:
4 كوب دقيق
كوب ونصف حليب بحرارة الغرفه
نصف كوب زيت
2 ملعقه كبيره سكر
ملعقه كبيره خميره فوريه
للوجه زيت وسمسم
الطريقة:
في اناء هنحط كل المكونات مع بعض ماعدا الدقيق
ونقلبهم بالمعلقه
ونضيفهم للدقيق
ونقلبهم مع بعض الاول بأي معلقه كبيره عندنا
وأول ماتتشكل نبدأ نعجنها بايدينا حوالي ربع ساعه على سطح مرشوش دقيق
ونغطيها ونسيبها تختمر في مكان دافي من نص ساعه لساعه
وبعد ماتختمر نقطعها قطع متساويه
وناخد كل قطعه نشكلها على شكل كوره
ونرصهم في الصينيه ونضغط عليهم ضغطه خفيفه بايدينا عشان ياخدوا شكل الرغيف وندهن وشهم بالزيت عشان يدينا الاحمرار المطلوب وده بالنسبالي افضل من البيض واخف ونرش سمسم
ونسيبهم يخنكروا على الصينيه نص ساعه قبل الخبز وندخلهم فرن حراراته متوسطه ومسخن مسبقا
جربوه وان شاء الله هيعجبكم