منتدى الشيف مونى

منتدى متخصص فى المطبخ

 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 الكحك المصري بالعجوه من مطبخ الشيف موني بالصور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الشيف موني



عدد المساهمات : 279
تاريخ التسجيل : 31/07/2011
العمر : 31
الموقع : elshefmony.mam9.com

مُساهمةموضوع: الكحك المصري بالعجوه من مطبخ الشيف موني بالصور   السبت يونيو 25, 2016 9:52 pm

السلام عليكم ورحمة الله
كل سنه وانتوا طيبين
المكونات:
كيلو دقيق
نصف كيلو سمنة بلدى سايحة(انا استخدمت سمنة الحلوب)
كوب ونصف ماء دافىء (ممكن استبداله بحليب)
نصف ملعقة كبيرة خميرة فورية
2 ملعقة كبيرة سكر
5 ملعقة كبيرة سمسم مش محمص
ملعقة كبيرة ريحة كحك(وريحة الكحك دى من المكونات الاساسية للكحك المصرى وهى عبارة عن خلطة بهارات مكونة من حبهان وقرنفل وجنزبيل وقرفة وشمر مطحونين واحنا بنشتريها جاهزة من عند العطار)
مكونات الحشو:
ربع كيلو عجوه
2 ملعقة كبيرة سمنة
3 ملعقة كبيرة سمسم
نقطتين ماء زهر

الطريقة:
هنبدأ فى تحضير عجينة الكحك ودى صورة ريحة الكحك للى ميعرفهاش


فى اناء هنحط الدقيق ومعاه ريحة الكحك ونقلبهم ونعمل حفرة فى النص نحط فيها السمسم ونقدح السمنة وننزلها على الدقيق وهتعمل فوران لأنها لازم تكون بتغلى وطبعا غليانها ده هيخلى السمسم يتحمص
وفيه ناس بتحط السمنة باردة من غير ماتقدحها بس انا بعمل الكحك بالطريقة المصرية التقليدية طريقة جدتى الله يرحمها




ونقلب الدقيق مع السمنة كويس بالمعلقة لأن السمنة سخنة يعنى نبس العجينة زى مابنقول فى مصر لغاية ماالدقيق يشرب كل كمية السمنة


ونسيبهم يبردوا خالص وفى الكوب ونص ميه هندوب الخميرة والسكر وننزل بيهم على الدقيق والسمنة


ونبدأ نعجن بايدينا او بالمعلقة ونلم العجينة بايدينا


ونغلفها ونسيبها تخمر فى مكان دافى من مدة ساعة لساعة ونص ولأننا فى صيف هتخمر بسرعة وفى الوقت ده هنجهز حشوة العجوه في كسروله هنحط كل مكونات الحشو ونقلبهم مع بعض ونسيبها تبرد




نرجع لعجينة الكحك هنلاقيها اختمرت كويس

ونكور عجينة الكحك كور متوسطه متساويه ونكور العجوه كور اصغر منها عشان نسهل على نفسنا الشغل



ونعمل حفرة فى نص كورة العجينه

تااااااااااااااااااااابعوني
هكمل المشاركه الجايه

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
الشيف موني



عدد المساهمات : 279
تاريخ التسجيل : 31/07/2011
العمر : 31
الموقع : elshefmony.mam9.com

مُساهمةموضوع: رد: الكحك المصري بالعجوه من مطبخ الشيف موني بالصور   السبت يونيو 25, 2016 10:03 pm

ونحط فى الحفرة دى كورة من كور العجوه


ونقفل العجينة


ونكون محضرين فورم تشكيل الكحك او المناقيش زى ايام زمان اللى بترتاحوله


ونرص الكحك فى صوانى مدهونة سمنة




وندخل الكحك فرن حرارته عالية ومسخنينه قبل كده ونطلعه لما وشه يحمر ويستوى
وفيه ناس بتسيبه يختمر بعد ماتحطه فى الصوانى بس ده هيغير شكل الكحك والنقشة بتاعته هتختفى وده بردو لأننا فى صيف ودرجة الحرارة عالية
ولما يبرد خااااااااااااااالص نرش عليه السكر بودرة ونقدمه
وده شكله بعد التقديم



الكحك طلع طعمه اكثر من رائع بس ناعم جدا ودسم لأننا بنحبه كده لو انتو عايزينه اخف ممكن تستبدلوا السمنه بزبده
وبالهنا والشفا

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
 
الكحك المصري بالعجوه من مطبخ الشيف موني بالصور
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشيف مونى :: مطبخ الشيف مونى :: الحلويات :: المعجنات والفطائر والتارت-
انتقل الى: