منتدى الشيف مونى

منتدى متخصص فى المطبخ

 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 الكرواسون الفرنسي على أصوله من مطبخ الشيف موني بالصور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الشيف موني



عدد المساهمات : 279
تاريخ التسجيل : 31/07/2011
العمر : 31
الموقع : elshefmony.mam9.com

مُساهمةموضوع: الكرواسون الفرنسي على أصوله من مطبخ الشيف موني بالصور   الأحد فبراير 21, 2016 3:21 pm

السلام عليكم ورحمة الله
بعد فحص وتقصي عملت الكرواسون الفرنسي وهو معتمد على ان الزبدة تدخل بين طبقات العجينة من الطي والفرد فبعد مايتخبز يبقى مورق
المكونات:
500 جرام دقيق
250 مللي حليب بارد
2 ملعقة كبيرة سكر
نصف ملعقة صغيرة خميرة جافة
50 جرام زبدة طرية
200 جرام زبدة باردة للفرد
ومعلش اني كاتبة المكونات بالجرام مش بالكوب بس عشان نبقى اكثر دقة ولقيت على المواقع الاجنبية فيه وصفات لعجينة الكرواسون اضافة بيضة وفيه من غير فانا فضلت تكون من غير
الطريقة
هنحط كل المكونات في الفود بروسيسور ماعدا الحليب

ونشغل عليهم ونضيف الحليب بالتدريج

ونشغل عليهم تاني ونطلع العجينة من الفود بروسيسور ونبدأ نخدمها اننا نفضل نعجن فيها لمدة ربع ساعة مثلا وهتبقى العجينة طرية ومتماسكة

ونفرد العجينة على شكل وردة

وهنفرد ال200 جرام زبدة بين ورقتين خبز

ونخلى الزبدة على شكل مربع ونحطها وسط العجينة على الجزء السميك

ونقفل عليها الاطراف كويس بشكل محكم ومنخليش فيه اي فراغ

ونبدأ نفرد العجينة بالنشابة هنلاقي فيه فقاعات واحنا بنفردها

هنعمل فيها ثقب بالسكينة عشان الزبدة متخرجش منها والعجينة تبوز مننا

ونكمل فرد

ونطوي العجينة



ونغلفها بالكلينج فيلم

وندخلها التلاجة لمدة ساعتين ونخرجها بعد الساعتين

نرجع نفردها بالطول يعني الناحية المفتوحة هي اللى تبقى مقابلة لينا

ونطويها

ونرجع نغلفها بالكلينج فيلم

ونكرر الموضوع ده تلات مرات كمان وبين كل مرة والتانيه ساعتين عشان نضمن ان الزبدة دخلت بين كل طبقات العجينة
تااااااااااااااااااابعوني
هكمل المشاركة الجاية

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
الشيف موني



عدد المساهمات : 279
تاريخ التسجيل : 31/07/2011
العمر : 31
الموقع : elshefmony.mam9.com

مُساهمةموضوع: رد: الكرواسون الفرنسي على أصوله من مطبخ الشيف موني بالصور   الأحد فبراير 21, 2016 3:38 pm

وبعد مانخلص مرحلة الفرد والطي هندخل في المرحلة اللي بعدها هي مرحلة تقطيع العجين عشان الخبز
وهنبدأ نقسم العجينة لاتنين

وهتلاحظوا من وانتوا بتقسموا العجينة حتى قبل ماتتخبز ان الزبدة دخلت بين طبقاتها بشكل واضح

وقسمت كل جزء لاتنين كمان يعني العجينة عندي بقت اربع اجزاء

وهنفرد كل جزء بالنشابة ونحاول نرققه على قد مانقدر ونقطعه على شكل مثلثات

ونلف كل مثلث من الجزء العريض

ونعمل كده مع بقية العجينة وانا عملت حجم متوسط وصغير انتوا ممكن تكبروا الحجم لو تحبوا وحطيته على صينية خبز مدهونة ومش هدهن وشه بالبيض المخفوق زي بقة المعجنات هحط على كل واحدة قطعة زبدة صغيرة عشان ياخد اللون الاشقر ويبقى زي اللى بنشوفه على المواقع الاجنبية

وندخله فرن متوسط الحرارة ومشغلينه قبل بربع ساعة وانا خبزته في فرن الغاز مش الكهربا وهيرتفع جوة الفرن وهيتضاعف حجمه بس ده بسبب الزبدة اللي داخلة بين طبقات العجينة مش بسبب الخميرة وعايزة اقول ملحوظة كمان اثناء الفرد والطي لو الزبدة ساحت وخرجت من العجينة حطوا العجينة في التلاجة لغاية ماتجمد وارجعوا افردوها وهنطلع الكرواسون من الفرن لما يستوي ووشه يحمر وده شكله النهائي

ان شاء الله يكون عجبكم
وبالهنا والشفا

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
 
الكرواسون الفرنسي على أصوله من مطبخ الشيف موني بالصور
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشيف مونى :: مطبخ الشيف مونى :: الحلويات :: المعجنات والفطائر والتارت-
انتقل الى: