منتدى الشيف مونى

منتدى متخصص فى المطبخ

 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 شعيبيات بالفستق من مطبخ الشيف مونى بالصور

اذهب الى الأسفل 
كاتب الموضوعرسالة
الشيف موني



عدد المساهمات : 279
تاريخ التسجيل : 31/07/2011
العمر : 32
الموقع : elshefmony.mam9.com

مُساهمةموضوع: شعيبيات بالفستق من مطبخ الشيف مونى بالصور   الإثنين يوليو 13, 2015 1:44 am

السلام عليكم ورحمة الله
كل سنة وانتوا طيبين
الشعيبيات وصفة سورية قديمة او تراثية اصلها محافظة ادلب السورية وبالتحديد مدينة أريحا والشعيبيات لازم تكون مورقة وبتمر بكزا مرحلة زى التسمين والتوريق قبل ماتدخل الفرن وطبعا ممكن تتحشى عين جمل او قشطة او فستق والوصفة اخدتها من شيف سورى اسمه/عماد رجب وكمان مدينة حلب اشتهرت بيها فيه ناس بتقول شعيبيات ادلبية وناس بتقول شعيبيات حلبية
المكونات:
كيلو دقيق
نصف كوب سيرب(السيرب هو القطر او الشربات)
3 كوب زبدة طرية
ماء للعجن
مكونات السيرب:3 كوب سكر و2 كوب ماء وعصير نصف ليمونة
مكونات الحشو:
تلت كيلو فستق
كوب سكر
ربع كوب سيرب
الطريقة:
فى اناء هنحط الدقيق وكوباية من التلات كوبايات زبدة اللى فى المكونات وعليهم نص كوباية السيرب

ونقلبهم كويس لغاية مايمتزجوا

ونضيفلهم مية العجن بالتدريج

ونبدأ نعجن لغاية مايبقى عندنا عجينة طرية وناعمة

ونقسم العجينة لتلات قطع متساوية

وكل قطعة من التلاته دول هنقسمهم قطع متوسطة فى الحجم ومتساوية

وهناخد القطع دى نقلبها فى سمنة سايحة او زبدة

ونرصهم جنب بعض ونسيب العجينة ترتاح لمدة نص ساعة عشان فردها يبقى سهل
وبعد ماترتاح العجينة نفرد كل قطعة وندهنها كمية كافية من كوبايتين الزبدة اللى فضلوا من التلاته اللى مكتوبين فى المكونات

ونطبقها

ونعمل كده مع بقية القطع ونرصهم فوق بعض

ونحطهم فى التلاجة لمدة متقلش عن نص ساعة ولما نطلعهم ناخد كل قطعة نطبقها

ونمطها بايدينا هنلاقيها بتمط معانا بسهولة او نفردها بالنشابة لو اسهل ونرقق العجينة على قد مانقدر

ونبرمها

ونعمل كده مع بقية قطع العجينة ونحطهم جنب بعض فى صينية ودى اخر مرحلة

تااااااااااااااااااااابعونى
هكمل المشاركة الجاية

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
الشيف موني



عدد المساهمات : 279
تاريخ التسجيل : 31/07/2011
العمر : 32
الموقع : elshefmony.mam9.com

مُساهمةموضوع: رد: شعيبيات بالفستق من مطبخ الشيف مونى بالصور   الإثنين يوليو 13, 2015 2:17 am

وهنحطهم فى التلاجة لمدة متقلش عن ساعة بس انا حطتهم ساعتين عشان الجو عندى حار شوية وقبل مانطلعهم من التلاجة هنجهز الحشو هنقلب ربع كوباية السيرب مع كوباية السكر عشان نحطهم مع الفستق عشان يدينا طعم حلو ونطلع العجينة من التلاجة هناخد كل قطعة نفردها



ونحط عليها الفستق


وفوقه السكر


ونطبق العجينة على شكل مثلث او اى شكل حسب رغبتكم




ونرص الشعيبيات جنب بعض فى صينية مدهونة بس قبل ماندخلهم الفرن نحط على كل واحدة قطعة زبدة صغيرة



وندخلها فرن متوسط الحرارة ومسخن مسبقا وفى نص السوا هنلاقيها ارتفعت جدا جوة الفرن طبعا ده دليل على نجاح العجينة لأن اى عجينة مورقة لازم ترتفع جوة الفرن


واول ماإستوت طلعتها وحطيت عليها السيرب وهى سخنة


وبعد مابردت زينتها بالفستق المطحون وقدمتها وده شكلها النهائى





وهى بتاخد وقت شوية فى عمايلها بس تستحق التجربة لإن طعمها غنى ومتميز
وبالهنا والشفا

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
 
شعيبيات بالفستق من مطبخ الشيف مونى بالصور
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشيف مونى :: مطبخ الشيف مونى :: الحلويات :: الحلويات الشرقية والغربية-
انتقل الى: