منتدى الشيف مونى

منتدى متخصص فى المطبخ

 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 وربات بقلاوة بالفستق من مطبخ الشيف مونى

اذهب الى الأسفل 
كاتب الموضوعرسالة
الشيف موني



عدد المساهمات : 279
تاريخ التسجيل : 31/07/2011
العمر : 32
الموقع : elshefmony.mam9.com

مُساهمةموضوع: وربات بقلاوة بالفستق من مطبخ الشيف مونى   الخميس يوليو 02, 2015 3:15 am

السلام عليكم ورحمة الله
كل عام وانتم بخير

مكونات عجينة البقلاوة:
2 كوب دقيق
رشة ملح
نصف كوب ماء
3 ملعقة كبيرة زيت
نشا للفرد(حوالى ربع كيلو)
تلت كيلو سمنة بلدى سايحة
مكونات الحشو:
ربع كيلو فستق مجروش
2 ملعقة كبيرة سكر
2 ملعقة كبيرة سمنة سايحة
2 ملعقة كبيرة ماء ورد

مكونات السيرب:(السيرب هو الشربات او القطر)
كوب ونصف سكر وكوب ماء وعصير نصف ليمونة
الطريقة:
اول حاجة ده نوع الدقيق اللى استخدمته وممكن اى نوع تانى طبعا

فى اناء حطيت الدقيق والملح والزيت

قلبتهم وضفتلهم نصف كوب المياه

وعجنتهم كويس والعجينة هتبقى طرية شوية

قسمت العجينة 12 قطعة وقلبت القطع دى فى النشا وسبت العجينة ترتاح تلت ساعة
وغالبا فى محلات الحلويات بيقسمو عجينة البقلاوة ل12
وحضرت الحشو ضفت للفستق السمنة السايحة والسكر وماء الورد وقلبتهم مع بعض كويس


بعد ماسبت العجينة ارتاحت هحط القطع فوق بعض وبين كل قطعة والتانية كمية كافية من النشا وضغطت عليهم بإيدى

وهبدأ افرد العجينة من كل الجهات بنشابة البقلاوة او بالنشابة العادية لو نشابة البقلاوة مش متوفرة ونحاول نرقق العجينة على قد مانقدر وطبعا قبل ماأفرد العجينة هرش نشا على الترابيزة

وهتبقى على شكل مربع
هنحط فى بداية العجينة كمية كافية من الفستق

ونلفها مرتين



ونقطع

والرول اللى حشيناه هنقطعه على شكل مثلثات

تااااااااااااابعونى
لسه مكملين

_________________



عدل سابقا من قبل الشيف مونى في الخميس يوليو 02, 2015 3:33 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
الشيف موني



عدد المساهمات : 279
تاريخ التسجيل : 31/07/2011
العمر : 32
الموقع : elshefmony.mam9.com

مُساهمةموضوع: رد: وربات بقلاوة بالفستق من مطبخ الشيف مونى   الخميس يوليو 02, 2015 3:31 am

ونرص اللى قطعناه فى صينية مدهونة

ونكرر اللى عملناه لغاية ماتخلص العجينة
وممكن نقطعها بشكل تانى
نقطع جزء بالطول من العجينة ونطوى طرفها زى مابنعمل السمبوسة

ونقطع هنلاقى عندنا مثلث

هنفتحه ونحشيه



وبعد مارصيت الوربات فى الصينية وقبل ماأحط السمنة عشان الجو حر جدا وكل حاجة سايحة حطتها فى التلاجة لتانى يوم

وطلعتها تانى يوم شلت من على وشها النشا بالفرشاة وحطيت السمنة السايحة

والسمنة دى مش كتيرة لأنها لازم تستوى فى كمية كافية من السمنة وعشان تورق جوة الفرن يعنى الطبقات تفصل عن بعضها وهى بتتحمر فى السمنة جوة الفرن
دخلتها فرن حرارته متوسطة ومسخن مسبقا ولما استوت طلعتها وصفيتها من السمنة الزيادة وحطيت عليها السيرب ولازم السيرب يكون بارد

ممكن نستبدل السمنة بزبدة بس طبعا البقلاوة بالسمنة احلى
وفيه ناس بتعمل الوصفة دى بعجينة الجلاش الجاهزة اللى بنشتريها من برة بس الحقيقة طعم الجلاش الجاهز مختلف عن طعم عجينة البقلاوة جدا بدليل ان البقلاوة اللى بنشتريها من محلات الحلويات طعمها مختلف عن عجينة الجلاش الجاهزة اللى بنعملها فى البيت
صفيت البقلاوة من السيرب الزيادة وده شكلهم النهائى









وبالهنا والشفا

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
 
وربات بقلاوة بالفستق من مطبخ الشيف مونى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشيف مونى :: مطبخ الشيف مونى :: الحلويات :: الحلويات الشرقية والغربية-
انتقل الى: