منتدى الشيف مونى

منتدى متخصص فى المطبخ

 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 طريقة عصير قمر الدين فى البيت من مطبخ الشيف مونى بالصور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الشيف موني



عدد المساهمات : 279
تاريخ التسجيل : 31/07/2011
العمر : 31
الموقع : elshefmony.mam9.com

مُساهمةموضوع: طريقة عصير قمر الدين فى البيت من مطبخ الشيف مونى بالصور   السبت مايو 23, 2015 7:31 pm

السلام عليكم ورحمة الله

النهرده جيبالكم طريقة حلوة اوى وسهلة لعصير قمر الدين فى البيت بمناسبة رمضان

اللهم بلغنا رمضان على خير

وموفرة كمان

والاهم من ده كله ان طعمه احلى بكتيييييييييييييييييييييير من قمر الدين الجاهز وكمان مضمون ومفيهوش حاجة صناعية

المقادير

3 كيلو مشمش

2 كيلو سكر

كوب سكر

بس هى دى مقاديرنا

ندخل بقى على الطريقة

هنغسل المشمش ونشيل منه البذر وطبعا هنرمى البايز

وهنحطه فى حلة

ونحط عليه ال2 كيلو سكر ونحطه فى التلاجه حوالى 3 ساعات عشان يجيب ميته


وبعد كده هنحطه على النار لغاية ماتحسى انه اتهرا
وطبعا مش هنحط اى ميه هو هيستوى فى ميته وهيجيب ميه تانى وهو على النار



ونطفى النار لما نحس انه اتهرا ونسيبه يبرد ونضربه بالخلاط اليدوى او بالخلاط العادى

ونصفيه


ونحط عليه كوباية السكر

ونحطه على النار تانى لغاية مايتقل ويعقد ويبقى لونه غامق زى كده(ممكن ياخد ساعة على النار او اقل شوية)

خلاص كده بقى تمام
هنعمل ايه بقى
هنحطه فى علبه ونعينه فى الفريزر لغاية رمضان
متخافوش مش هيجراله اى حاجة
لما نيجى نشربه هنطلعه من الفريزر وناخد منه 6 معالق كبار
ونضربهم مع ميه يعنى بعد مايتضرب هيبقى حجم دورق الخلاط وممكن وانتى
بتضربيه تحطى سكر وممكن لاء ده حسب الرغبة

انا طبعا مستنتش عشان اصوره وضربته عشان اوريكم شكله
ده شكله وهو فى الخلاط

وده شكله النهائى فى الكوب


وهو ليه اكثر من طريقة بس دى الطريقة المعتمدة عندنا
يارب موضوعى البسيط ده يكون عجبكم


_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
 
طريقة عصير قمر الدين فى البيت من مطبخ الشيف مونى بالصور
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشيف مونى :: مطبخ الشيف مونى :: الحلويات :: عصائر وفواكه وايس كريم-
انتقل الى: