منتدى الشيف مونى

منتدى متخصص فى المطبخ

 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 السينابون بصوص التوفى وصوص الجبنة الكريمى من مطبخ الشيف مونى بالصور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الشيف موني



عدد المساهمات : 279
تاريخ التسجيل : 31/07/2011
العمر : 31
الموقع : elshefmony.mam9.com

مُساهمةموضوع: السينابون بصوص التوفى وصوص الجبنة الكريمى من مطبخ الشيف مونى بالصور   الخميس فبراير 19, 2015 12:20 pm

عملت السينابون بطريقتين مختلفين عن بعض بالنسبة لطريقة العجينة وبالنسبة لصوص التزيين والاتنين طعمهم احلى من بعض وانتوا عليكم تختاروا الطريقة اللى شايفنها اسهل بالنسبالكم
مكونات العجينة:
3 ونص كوب دقيق
بيضة
كوب حليب
ملعقة صغيرة خميرة فورية
ملعقة صغيرة سكر
ربع كوب سكر
فانيليا
4 ملعقة كبيرة زبدة طرية
فانيليا
مكونات الحشو:
سكر بنى(ممكن نستبدله بسكر ابيض)
قرفة
زبدة طرية
مكونات صوص التوفى:
كوب سكر بنى
4 ملعقة كبيرة زبدة طرية
نصف كوب فريش كريم(كريمة لبانى)
الطريقة
فى كوباية هنخلط ملعقة الخميرة الفورية مع ملعقة السكر
وندفى كوباية الحليب ونضيفهالم
وندوبهم ونسيبهم على جنب 10 دقايق يختمروا
وفى اناء هنحط البيضة والفانيليا والزبدة
ونقلبهم بالويسك او اى معلقة خشب
وفى اناء تانى هنحط الدقيق مع الربع كوباية سكر
ونخلطهم ونعمل حفرة فى النص نحط فيها كوباية الحليب والخميرة
ونعجنهم
ونضيفلهم خليط البيض والزبدة

ونعجنهم كويس لغاية ماكل المكونات تمتزج وهيبقى عندنا عجينة طرية وفى نفس الوقت متماسكة
ونسيبهم يختمروا لمدة ساعة
ونفردها على ترابيزة مرشوشة بالدقيق على شكل مربع وندهنها بالزبدة الطرية
ونضيفلها السكر البنى
والقرفة
ونلفها على شكل رول


ونقطعها قطع متساوية ونحط فى صينية مدهونة على مسافات متباعدة
ونسيبهم يختمروا شوية على الصينية بس مش كتير وعلى فكرة الشيف فى محل سينابون مش بيسيبهم يختمروا خالص على الصوانى بيدخلهم الفرن على طول
انا دخلتهم فرن حرارته متوسطة ومسخن مسبقا وكل واحد حسب فرنه
وهبدأ احضر صوص التوفى
تاااااااااااااااااااااابعونى

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
الشيف موني



عدد المساهمات : 279
تاريخ التسجيل : 31/07/2011
العمر : 31
الموقع : elshefmony.mam9.com

مُساهمةموضوع: رد: السينابون بصوص التوفى وصوص الجبنة الكريمى من مطبخ الشيف مونى بالصور   الخميس فبراير 19, 2015 12:54 pm

وبعد ماأستوى السينابون واحمر وشه طلعناه من الفرن وهنبدأ نحضر صوص التوفى
فى كسرولة هنحط الفريش كريم والزبدة والسكر البنى مع بعض
ونقلبهم على نار هادية
وهتمتزج كل المكونات مع بعض
ونسيبه يغلى على النار
وهنطفى النار بعد مايغلى وبكده صوص التوفى بقى جاهز عندنا
والطريقة دى من اسهل طرق صوص التوفى واحلاها طعما بدل ماتحطوا السكر فى كسرولة يتحرق لوحده ويطرطش عليكم وممكن ميوصلش للون المطلوب وبالنسبة للسكر البنى ممكن نستبدله بسكر ابيض بس انا حبيت ان الصوص يكون غنى ومتميز
ولما يبرد الصوص هنحطه على السينابون ومعاه عين الجمل المجروش
وده شكله النهائى




تااااااااااااااااابعونى
مكملة المشاركة الجاية الطريقة التانية للسينابون

_________________



عدل سابقا من قبل الشيف مونى في الجمعة فبراير 20, 2015 1:28 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
الشيف موني



عدد المساهمات : 279
تاريخ التسجيل : 31/07/2011
العمر : 31
الموقع : elshefmony.mam9.com

مُساهمةموضوع: رد: السينابون بصوص التوفى وصوص الجبنة الكريمى من مطبخ الشيف مونى بالصور   الخميس فبراير 19, 2015 1:32 pm

عدنا كما وعدنا والطريقة التانية للسينابون ودى الطريقة المعتادة اللى معظمنا بيعمله بيها
مكونات العجينة:
3 وربع كوب دقيق
كوب الا ربع حليب بودرة
ملعقة كبيرة سكر
ملعقة صغيرة خميرة فورية
بيضة
فانيليا
2 ملعقة كبيرة زيت
ماء للعجن
للحشو:
زبدة طرية
قرفة
سكر بنى
صوص الجبنة الكريمى للتزيين:
4 حبات جبنة كيرى
كوب سكر بودرة
3 ملعقة كبيرة زبدة طرية
ربع كوب ماء
الطريقة
فى اناء هنحط كل المقادير الجافة مع بعض
هنحلطهم مع بعض ونضيفلهم البيضة
ونعجنها معاهم ونعمل حفرة فى النص نضيف فيها ماء العجن بالتدريج
ونعجنهم ونضيفلهم معلقتين الزيت ونعجنهم كويس لغاية ماتتماسك العجينة وفى نفس الوقت هتكون طرية
ونسيبها تختمر لمدة ساعة وبعد ماتختمر نفردها على سطح مرشوش بالدقيق على شكل مربع وندهنها بالزبدة الطرية ونضيفلها السكر البنى
والقرفة
ونلفها على شكل رول
ونقطعها قطع متساوية
ونرصهم فى صينية على مسافات متباعدة
ونسيبهم يختمروا شوية وندخلهم فرن حرارته متوسطة ونطلعهم لما يستووا ووشهم يحمر
ونحضر الصوص
فى اناء هنحط كل مكونات الصوص مع بعض
ونضربهم بالمضرب الكهربائى او فى الخلاط وبكده يبقى جاهز عندنا
طعمه خفيف وجميل وممكن بردو نزين السينابون بالحليب المكثف المحلى
وده الشكل النهائى للسينابون بعد ماحطينا عليه الصوص




يارب يكون عجبكم
وبالهنا والشفا

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
 
السينابون بصوص التوفى وصوص الجبنة الكريمى من مطبخ الشيف مونى بالصور
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشيف مونى :: مطبخ الشيف مونى :: الحلويات :: المعجنات والفطائر والتارت-
انتقل الى: