منتدى الشيف مونى

منتدى متخصص فى المطبخ

 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 كيكة البرتقال بعصير البرتقال وصوص البرتقال من مطبخ الشيف مونى بالصور

اذهب الى الأسفل 
كاتب الموضوعرسالة
الشيف موني



عدد المساهمات : 279
تاريخ التسجيل : 31/07/2011
العمر : 31
الموقع : elshefmony.mam9.com

مُساهمةموضوع: كيكة البرتقال بعصير البرتقال وصوص البرتقال من مطبخ الشيف مونى بالصور   الثلاثاء فبراير 03, 2015 1:50 pm

السلام عليكم ورحمة الله
حبيت المرة دى اعمل حاجة جديدة وتبقى كيكة البرتقال كلها برتقال فاستبدلت فى المكونات الحليب بعصير البرتقال ومكتفتش بالقشور زى معظم كيكات البرتقال
مكونات الكيكة:
2 كوب دقيق
ملعقة صغيرة بيكنج بودر
كوب الا ربع زبدة سايحة
كوب سكر
4 بيضات كبار
فانيليا
كوب عصير برتقال
بشر برتقالة
مكونات الصوص:
كوب ونصف عصير برتقال بارد
نصف كوب سكر(او اكتر حسب رغبتكم)
4 معلقة كبيرة نشا
وللتزيين:
بشر برتقال
الطريقة
هنعمل الكيكة
فى اناء هنحط الزبدة السايحة والسكر
وهنضربهم بالمضرب الكهربائى ونضيفلهم البيض والفانيليا وبشر البرتقال
ونخفقهم بالمضرب ونضيفلهم عصير البرتقال
ونخفقهم واخر حاجة نضيفلهم الدقيق والبيكنج بودر
ونخفقهم كويس لغاية ماتمتزج المكونات ونحطهم فى صينية مدهونة
وندخلها فرن حرارته هادية ونطلعها لما تستوى
وطبعا كل فرن بيختلف عن التانى
نقلبها على طبق التقديم ونسيبها تبرد ونحضر صوص البرتقال اللى مفيش اسهل ولا احلى من طعمه
هنحط النشا وعصير البرتقال والسكر فى كسرولة
ونقلبهم على البارد مع بعض كويس ونشغل عليهم نار هادية مع التقليب المستمر لغاية مايتكاثف قوامهم وبكده يبقى الصوص جاهز عندنا
نسيبه يبرد ونحطه على الكيكة ونزينهم ببشر البرتقال وده شكل الكيكة النهائى
جربوها وان شاء الله هتعجبكم
وبالهنا والشفا

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
 
كيكة البرتقال بعصير البرتقال وصوص البرتقال من مطبخ الشيف مونى بالصور
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشيف مونى :: مطبخ الشيف مونى :: الحلويات :: التورتات والجاتوهات والكيكات-
انتقل الى: