منتدى الشيف مونى

منتدى متخصص فى المطبخ

 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 الدوناتس الجميل والسهل من مطبخ الشيف مونى بالصور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الشيف موني



عدد المساهمات : 279
تاريخ التسجيل : 31/07/2011
العمر : 31
الموقع : elshefmony.mam9.com

مُساهمةموضوع: الدوناتس الجميل والسهل من مطبخ الشيف مونى بالصور   الأربعاء يناير 14, 2015 1:44 pm

السلام عليكم ورحمة الله
مكونات عجينة الدوناتس:
كيلو دقيق
بيضتين كبار
فانيليا
نصف كوب زبدة طرية
ملعقة كبيرة خميرة فورية
ملعقة كبيرة سكر
ربع كوب حليب بودرة
حليب دافىء للعجن(وممكن نستبدله بمياه)
وللقلى هنحتاج لتر زيت
وللتزيين:
شوكولاته
شوكولاته بيضاء
فستق مطحون
فارمسيل
(او حسب الرغبة)
الطريقة
فى اناء هنحط كيلو الدقيق ومعاه كل المكونات الجافة
ونخلطهم ونضيفلهم البيض والزبدة
وهنعجنهم كويس مع الدقيق وبقية المكونات لغاية مايمتزجوا
وهنضيفلهم الحليب الدافى ونعجن ونزود حليب حسب مايحتاج الدقيق
وهيبقى عندنا عجينة طرية وفى نفس الوقت متماسكة
ونغطيها ونسيبها تختمر فى مكان دافى لمدة نص ساعة بس لأنها هتختمر تانى بعد مانفردها ونقطعها
وناخد جزء من العجينة نفردها على ترابيزة مرشوشة بالدقيق تقريبا بسمك 2 سم
ونبدأ نقطعها بقطاعات الدوناتس المخصوصة وفيها منها حجم كبير وحجم صغير


ولو معندناش قطاعات الدوناتس ممكن نقطع العجينة بأى كوباية حجمها مناسب ونفرغها من النص بغطا ازازة يعنى ان شاء الله مفيش حاجة هتوقفنا
وبعد مانقطعهم نسيبهم يختمروا على طبق مرشوش دقيق
ونسيبهم يختمروا للمرة التانية من مدة نص ساعة لساعة الا ربع
وعلى سبيل التغيير هنعمل شوية على شكل قلب
وده شكل الدوناتس بعد ماسبناه يختمر
وهنقليه فى زيت غزير وحتى وهو بيتقلى هنلاقيه انتفخ لأن الخميرة بتفضل شغالة وفيه ناس بتعمله فى الفرن بس هو اساسه القلم والطعم الاحلى المقلى
ولازم زيت غزير وسخن عشان ميشربش زيت بعد مايطلع
وهنطلعه من الزيت لما يبقى لونه دهبى ونسيبه يبرد عشان بعد كده هنزينه
وهنسيح شوكولاته ونحط فيها الدوناتس من ناحية واحدة
وبعد مانغطسهم فى الشوكولاته نحطهم على ورق خبز لغاية ماتنشف الشوكولاته ده بالنسبة للى هنزينها بخطوط شوكولاته لكن اللى هنزينهم بالفستق والفارمسيل هنشيل الدوناتس من الشوكولاته السايحة وبعدها مباشرة هنحطهم فى طبق الفستق او الفارمسيل
ولو عايزين تريحوا دماغكم من كل ده وتعملوا تزيين سريع ممكن تعملوا الجليز (glaze)
الخاص بالدوناتس وهيبقى عبارة عن حليب وفانيليا وزبدة وسكر بودرة وبردو هيدى لمعة وشكل حلو فى التزيين
وده شكل الدوناتس النهائى


يارب يكون عجبكم
وبالهنا والشفا

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
 
الدوناتس الجميل والسهل من مطبخ الشيف مونى بالصور
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشيف مونى :: مطبخ الشيف مونى :: الحلويات :: المعجنات والفطائر والتارت-
انتقل الى: