منتدى الشيف مونى

منتدى متخصص فى المطبخ

 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 جاتوه فانيليا وشوكولاته وجاتوه فراولة من مطبخ الشيف مونى بالصور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الشيف موني



عدد المساهمات : 279
تاريخ التسجيل : 31/07/2011
العمر : 31
الموقع : elshefmony.mam9.com

مُساهمةموضوع: جاتوه فانيليا وشوكولاته وجاتوه فراولة من مطبخ الشيف مونى بالصور   الخميس نوفمبر 20, 2014 12:23 pm

السلام عليكم ورحمة الله

النهارده ان شاء الله هقدملكم وصفة جاتوه حلوة وسهلة وشكلها جميل فى الضيافة

انا عملت الجاتوه بدقيق الاسبونش الجاهز وعايزة اقول حاجة على دقيق الاسبونش عشان ناس كتير محتارين هو بيختلف عن الدقيق العادى بيكون مضاف عليه السكر والبيكنج بودر والمحسن احنا بنضيفله البيض والماء فقط وبيستخدم للكيكات الاسفنجية بس وبنحط عليه البيض والميه ونخفقه بالمضرب لأن طريقته بتختلف عن الكيكة العادية وانا بشترى السايب من محلات خامات الحلويات التورتة بتاخد نص كيلو فيه جاهز فى السوبر ماركت الطحان وبيتى كروكر ونوع تونسى اسمه فنواز طبعا انا بتكلم على داخل مصر لكن خارج مصر الصراحة معرفش

المكونات:

نص كيلو دقيق سبونش

نصف كوب ماء

6 بيضات كبار

فانيليا

مكونات الحشو:

ربع كيلو كريم شانتى خام

10 ملعقة كبيرة حليب بودرة

10 ملعقة كبيرة سكر بودرة

2 كوب ماء مثلج او حسب مايحتاج الكريم شانتى

فراولة(لجاتوه الفراولة)

وممكن نستبدل الحليب البودرة والماء المثلج بحليب طبيعى

للتزيين:

فراولة

شوكولاته مبشورة

كريز

الطريقة:

فى اناء هنحط ربع كيلو من الدقيق الاسبونش اللى عندنا و3 بيضات كبار وربع كوب ماء وفانيليا






وهنخفقهم بالمضرب لمدة من 3 ل5 دقايق لغاية مايتكاثف الخليط ويبقى كريمى






ونحط الخليط فى صينية مربعة على ورق خبز






دخلتها فرن حرارته هادية لغاية ماتستوى وطبعا كل شخص فرنه بيختلف عن التانى






وهنكرر كل اللى فات مع بقية دقيق الاسبونش اللى هو الربع كيلو التانى وهيبقى عندنا كيكتين






وهنحطهم فى التلاجة لمدة يوم كامل او 6 ساعات ع الاقل عشان يتماسكوا ونطلعهم ونبدأ نشتغل

هنجيب كيكة من الاتنين ونقسمها بالنص بالظبط






ونبدأ نحشيها بالكريم شانتى






ونجلسها من برة بالكريم شانتى ونساوى الاطراف بالسكينة






ونقطعها قطع متساوية بالطول وبعد كده بالعرض ونزينها بالكريز والشوكولاته المبشورة

واستخدمت الشوكولاته دى وممكن اى نوع تانى






كده خلصنا جاتوه الفانيليا والشوكولاته وهندخل على جاتوه الفراولة

عندنا كيلو فراولة هنحطه فى حلة مع كمية السكر اللى عايزنها (بس ده هيكون قبل تحضير الجاتوه بيوم) ونحطها فى التلاجة






تانى يوم هنطلعها من التلاجة وهنلاقى الفراولة والسكر جابوا ميتهم






تااااااااااااااااابعونى

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
الشيف موني



عدد المساهمات : 279
تاريخ التسجيل : 31/07/2011
العمر : 31
الموقع : elshefmony.mam9.com

مُساهمةموضوع: رد: جاتوه فانيليا وشوكولاته وجاتوه فراولة من مطبخ الشيف مونى بالصور   الخميس نوفمبر 20, 2014 12:34 pm

ونحطهم على نار هادية من مدة ساعة لساعة ونص وهنخلى الفراولة من غير ميه لوحدها فى طبق عشان هنحطها فى الحشو



وصوص الفراولة لوحده فى طبق


وبقية الكريم شانتى اللى استخدمناه فى جاتوه الفانيليا هنلونه بصوص الفراولة




وهنقسم الكيكة التانية اللى عندنا ونحشيها بكريم شانتى الفراولة



ونحط عليه الفراولة اللى ساويناها



ونجلسها من برة بكريم شانتى الفراولة



ونقطعها بالطول وبعد كده بالعرض قطع متساوية ونزينها بشوية من الصوص وفراولة طازة غير اللى ساويناها فى النار طبعا التزيين ده حسب الرغبة
وجاتوه الفراولة وجاتوه الفانيليا هيدونا حوالى 16 قطعة
وده الشكل النهائى للجاتوه






وبالهنا والشفا

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
 
جاتوه فانيليا وشوكولاته وجاتوه فراولة من مطبخ الشيف مونى بالصور
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشيف مونى :: مطبخ الشيف مونى :: الحلويات :: التورتات والجاتوهات والكيكات-
انتقل الى: