منتدى الشيف مونى

منتدى متخصص فى المطبخ

 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 مربى الحليب(صوص الدولتشى دى ليتش) من مطبخ الشيف مونى بالصور

اذهب الى الأسفل 
كاتب الموضوعرسالة
الشيف موني



عدد المساهمات : 279
تاريخ التسجيل : 31/07/2011
العمر : 31
الموقع : elshefmony.mam9.com

مُساهمةموضوع: مربى الحليب(صوص الدولتشى دى ليتش) من مطبخ الشيف مونى بالصور   الخميس نوفمبر 13, 2014 11:51 am

السلام عليكم ورحمة الله
النهارده جيبالكم مربى الحليب او حلاوة الحليب وهى اصلها ارجنتينى واسمها صوص الدولتشى دى ليتش وليها كزا استخدام كصوص للحلويات وفروستنج وحشو للكيكات والتورتات ونعمل منها ساندويتشات فى فطارنا وعشانا وهى دسمة شوية وشتوية بس مغذية وبتدى طاقة عالية والبديل ليها اننا نكرمل الحليب المكثف اننا نحط علبة الحليب المكثف فى حلة مليانة ميه ونسيبه لمدة 3 ساعات لغاية مايبقى كرامل بس طبعا مربى الحليب اوفر بكتير واحلى
ومكوناتها كالتالى:
كيلو حليب كامل الدسم
2 كوب سكر
فانيليا
الطريقة:
فى كسرولة هنحط الحليب والسكر والحليب يكون بارد وسبق غليانه
ونحطهم على نار هادية مع التقليب كل 10 دقايق وهنلاحظ ان لون الحليب هيتغير وهيميل بالتدريج
للون البنى وطبعا هيقل حجمه هيبقى نص الكمية
ولما يبدأ لونه يتغير هنحطله الفانيليا
ولما يبقى لونه دهبى غامق هنطفى عليه النار
وهنضربه بالخلاط اليدوى عشان يبقى ناعم جدا ومفيهوش اى تكتلات وممكن فى الخلاط العادى
وهيبقى عندنا مربى لونها دهبى وناعمة وطعمها خرافى
والمربى معتمدة على الحليب الدسم وبتبقى احلى مع الحليب اللى بيطلع قشطة فمينفعش بالحليب البودرة او حليب الكراتين مش هتبقى حلوة
وفيه ناس هتقول متعبة نشترى جاهزة احسن بس احب اقولكم هى غير طعم اى مربى بنشتريها جاهزة ده غير ان اللى بنعمله فى البيت احلى واضمن
وبالنسبة لطريقة حفظها هنحفظها فى برطمان معقم ونحطها فى التلاجة ونطلع ناخد منها كل مانحتاج زى اى مربى
جربوها وهتعجبكم ان شاء الله ولا تنسونى من صالح دعائكم
وبالهنا والشفا

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
 
مربى الحليب(صوص الدولتشى دى ليتش) من مطبخ الشيف مونى بالصور
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشيف مونى :: مطبخ الشيف مونى :: الحلويات :: عصائر وفواكه وايس كريم-
انتقل الى: