منتدى الشيف مونى

منتدى متخصص فى المطبخ

 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 البتيفور للعيد من مطبخ الشيف مونى بالصور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الشيف موني



عدد المساهمات : 279
تاريخ التسجيل : 31/07/2011
العمر : 31
الموقع : elshefmony.mam9.com

مُساهمةموضوع: البتيفور للعيد من مطبخ الشيف مونى بالصور   الأربعاء يوليو 23, 2014 2:03 pm

السلام عليكم ورحمة الله
كل سنة وانتو طيبين
المكونات:(المكونات دى لماكينة البتيفور مش لكيس التزيين)
كيلو دقيق
4 كوب زبدة طرية
3 كوب سكر بودرة
5 بيضات كبار
2 ملعقة صغيرة فانيليا
ملعقة كبيرة كاكاو للتلوين
وللتزيين هنحتاج:
مربى(اى نوع انا استخدمت مربى المشمش)
فارمسيل
جوز هند
فستق مجروش
بندق مجروش
(وطبعا التزيين ده حسب الرغبة)
الطريقة:
فى اناء هنحط الزبدة


وهنضربها بالمضرب لمدة نص دقيقة

وهنضيفلها السكر بودرة

ونضربها بالمضرب مدة طويلة لغاية مالونها يبقى ابيض وقوامها كريمى

ونضيفلهم البيض والفانيليا

ونضربهم كويس ونضيفلهم الدقيق المنخول بالتدريج

ونقلب المكونات بالمعلقة او نعجن بايدينا لغاية مايبقى عندنا عجينة متماسكة


وناخد نص كمية العجينة نضيفلها معلقة الكاكاو ونعجنها بايدينا لغاية ماتتلون كلها

وطبعا فيه ناس بتحب تحط بيكنج بودر لمكونات البتيفور انا جربت الطريقتين واخترت اللى من غير بيكنج بودر هش وشكله مش بيتغير فى الفرن وطبعا انتوا اختاروا اللى يريحكم
ونبدأ نشكل البتيفور بالماكينة فى صوانى مدهونة

وعملت ابيض وكاكاو وشكل جديد كاكاو وابيض مع بعض






هندخله فرن حرارته متوسطة لغاية مايستوى يحمر من تحت بس ومن فوق يفضل لونه زى ماهو
هنطلعه من الفرن ونسيبه يبرد خالص ونبدأ نجهز الحشو والتزيين

هناخد قطعة بتيفور ونغمس ضهرها فى المربى

ونلصقها فى قطعة تانيه نفس شكلها وحجمها ونغمس طرفهم فى المربى

ونحط الطرف ده فى المكسرات او جوز الهند او الفارمسيل(انا كاتبة التفاصيل المملة عشان المبتدئات)

ونقدمه



دى طريقة من الطرق الكتير للبتيفور انتوا اختاروا الاسهل بالنسبالكم
ويارب موضوعى البسيط ده يكون عجبكم

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
 
البتيفور للعيد من مطبخ الشيف مونى بالصور
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشيف مونى :: مطبخ الشيف مونى :: الحلويات :: المعجنات والفطائر والتارت-
انتقل الى: