منتدى الشيف مونى

منتدى متخصص فى المطبخ

 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 بسكويت السابليه من مطبخ الشيف مونى بالصور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الشيف موني



عدد المساهمات : 279
تاريخ التسجيل : 31/07/2011
العمر : 31
الموقع : elshefmony.mam9.com

مُساهمةموضوع: بسكويت السابليه من مطبخ الشيف مونى بالصور   السبت يوليو 19, 2014 2:23 pm

السلام عليكم ورحمة الله
كل سنة وانتو طيبين
المكونات:
3 ونصف كوب دقيق
كوب وربع زبدة طرية
كوب الا ربع سكر بودرة
بيضة
ملعقة صغيرة بيكنج بودر
فانيليا
للحشو:
مربى فراولة او اى نوع مربى تحبوه
الطريقة:
فى اناء هنحط الزبدة

ونضربها بالمضرب نص دقيقة مثلا ونضيفلها السكر بودرة

ونضربهم كتير بالمضرب الكهربائى لغاية ماالخليط حجمه يتضاعف ويبقى لونه ابيض وقوامه كريمى

ونضيف البيضة والفانيليا

ونضربهم بالمضرب والنتيجة كريمة كريمة بتلمع وخفيفة وان وصلنا للنتيجة دى نبقى بنشتغل صح لأن ده اساس السابليه

ونضيفلها الدقيق المنخول والبيكنج بودر

ونعجنهم وهتبقى العجينة لينة وطرية

هنغلف العجينة ونحطها فى التلاجة لمدة نص ساعة عشان نعرف نشتغل بيها وفيها ناس بتحب تعمل سابليه بالكاكاو زى البتيفور هتاخدوا جزء من العجينة او نصها وهتضيفولها ملعقة صغيرة كاكاو للتلوين لو تحبوا
ونحضر القطاعات اللى هنشتغل بيها

وهنفرد العجينة بالنشابة على دقيق او بين ورقتين خبز ونبدأ نقطعها بالقطاعات وانا بحب اعمله سميك ممكن انتو تخلوه رفيع عن كده او زى ده حسب رغبتكم

وهنحطهم فى صينية مدهونة او على ورق خبز ونفرغ الاشكال من النص بعد مانحطهم فى الصينية عشان شكلهم ميتغيرش
انا فرغته بشكل مدور مخصوص للحلويات لو مش متوفر هنستخدم اى حاجة مدورة عندنا

وخبزته فى فرن الكهربا على درجة حرارة هادية وشغلت النار من تحت بس عشان السابليه لازم يكون لونه ابيض

وده شكل ظهر السابليه مش غامق وفى نفس الوقت مستوى

ونبدأ نلصقه بالمربى

وده شكله بعد ماخبزناه ولصقناه بالمربى

وممكن نرش عليه سكر بودرة

وفيه ناس بتحب تحشى السابليه وتلصقه بشوكولاته بدل المربى او تحط على الوش شوكولاته كل ده حسب الرغبة
يارب موضوعى البسيط ده يكون عجبكم

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
 
بسكويت السابليه من مطبخ الشيف مونى بالصور
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشيف مونى :: مطبخ الشيف مونى :: الحلويات :: المعجنات والفطائر والتارت-
انتقل الى: