منتدى الشيف مونى

منتدى متخصص فى المطبخ

 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 الكنافة العثملية بالقشطة من مطبخ الشيف مونى بالصور

اذهب الى الأسفل 
كاتب الموضوعرسالة
الشيف موني



عدد المساهمات : 279
تاريخ التسجيل : 31/07/2011
العمر : 32
الموقع : elshefmony.mam9.com

مُساهمةموضوع: الكنافة العثملية بالقشطة من مطبخ الشيف مونى بالصور   السبت يوليو 05, 2014 2:39 pm

السلام عليكم ورحمة الله
كل عام وانتم بخير
المكونات:
نصف كيلو كنافة
كوب سمنة بلدى(ممكن نستبدلها بزبدة)
كوب سيرب متوسط بارد(السيرب هو نفسه الشربات او القطر او الشيرة ومكوناته كوب ونصف سكر على كوب ماء وعصير نصف ليمونة)
مكونات الحشو:
2 كوب حليب
علبة قشطة بوك(170 جرام)
4 ملعقة كبيرة نشا
ربع كوب سكر
ملعقة صغيرة ماء ورد
للتزيين:
كريم شانتى
فستق مجروش
كريز
الطريقة:
اول حاجة هنحضر الحشو عشان تبرد براحتها وتبقى متماسكة
هنحط كل المكونات مع بعض فى كسرولة ماعدا القشطة البوك وماء الورد
وطبعا انا مقللة كمية السكر فى الحشو عشان فيه سيرب فى الكنافة

هنقلبهم على البارد وهنحطهم على نار متوسطة مع التقليب المستمر لغاية مايتكاثف القوام وهنطفى النار ونحط القشطة البوك وماء الورد

ونقلبهم كويس لغاية ماتتجانس كل المكونات

وهنحطها تبرد فى التلاجة ونبدأ نحضر الكنافة
هنقدح السمنة وننزل بيها على الكنافة ونقلبهم مع بعض كويس لغاية ماالكنافة تشرب كل كمية السمنة

وهنقسم الكنافة وهنجيب صينيتين قد بعض بالظبط وهنحط فى كل صينية نص كمية الكنافة وهنضغط عليهم كويس يعنى هيبقى عندنا ديسكين كنافة


وندخلهم فرن متوسط الحرارة ولما اول صينية تطلع من الفرن نقلبها على طبق التقديم ونحط عليها نص كمية السيرب (انا استخدمت فرن البوتاجاز)

وهنحط عليها الحشوة وهتكون طبعا باردة ومتماسكة لأنها اول حاجة حضرناها

ولما نطلع صينية الكنافة التانيه من الفرن نقلبها على طبق ونحطها على الحشو بالراحة عشان متتكسرش ونحط عليها بقية كمية السيرب
وبالنسبة للحشو نقدر نستغنى عن قشطة بوك ونقدر كمان نستبدل الحشوة دى بقشطة الحليب الطبيعية
وده شكل الكنافة بعد التزيين






وهنا بعد ماقطعتها

يارب موضوعى البسيط ده يكون عجبكم
ولاتنسونى من صالح دعائكم

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
 
الكنافة العثملية بالقشطة من مطبخ الشيف مونى بالصور
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشيف مونى :: مطبخ الشيف مونى :: الحلويات :: الحلويات الشرقية والغربية-
انتقل الى: