منتدى الشيف مونى

منتدى متخصص فى المطبخ

 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 ايس كريم الخوخ وسوربيه الخوخ من مطبخ الشيف مونى بالصور

اذهب الى الأسفل 
كاتب الموضوعرسالة
الشيف موني



عدد المساهمات : 279
تاريخ التسجيل : 31/07/2011
العمر : 31
الموقع : elshefmony.mam9.com

مُساهمةموضوع: ايس كريم الخوخ وسوربيه الخوخ من مطبخ الشيف مونى بالصور   السبت يونيو 07, 2014 3:04 pm

السلام عليكم ورحمة الله




من احلى انواع الايس كريم اللى عملتها هو ايس كريم الخوخ




والمكونات كالتالى:




كيلو الا ربع خوخ




كوب الا ربع سكر




كوب كريمة لبانى




نصف كوب حليب




فانيليا




الطريقة





هنحط الخوخ فى مياه مغلية عشان يسهل تقشيره









هنقشره ونشيل منه البذر وهنحطه فى المحضرة مع السكر









وهنشغل عليهم لغاية ماالخوخ يتهرس ويبقى بيوريه






ونضيفله الحليب والكريمة والفانيليا





وهنشغل عليهم لمدة دقيقة لغاية ماكل المكونات تمتزج كويس جدا وهنحطه فى علبة محكمة الغلق









ونحطه فى الفريزر واثناء التفريز نقلبه حوالى 3 مرات عشان ميكونش كتل تلجية









قدمته تانى يوم وزينته بشوكولاته سايحة

















































بالنسبة للكريمة اللبانى هى نفسها الكريمة السائلة وهي كريمة خاصة بالحلويات وتكون مصنوعة من الحليب الكامل الدسم  وتستعمل في الطهي وتزيين الحلويات وهى نفسها كريمة الخفق وانا بشتريها جاهزة من السوبر ماركت وهى غير الدريم ويب وغير الكريم شانتى وطبعا هى بتبقى اساسية فى عمل الجناش اللى بنستخدمه فى التورتات
وممكن نستبدلها بحليب كامل الدسم بس فى الوصفة دى احنا استخدمنا حليب كامل الدسم فالاحسن نستخدمها نفسها وانا بحب اضيفها للايس كريم واى حلويات لأنها بتخلى الطعم غنى وانا مجربتش اى بدائل تانيه ليها لغاية دلوقتى





ندخل على سوربيه الخوخ والسوربيه هو ايس كريم خالى من الدسم يعنى مفيهوش لاقشطة ولا بيض ولا حليب ولا كريمة وفيه ناس بتعتبرها فاكهة مجمدة بس طريقته سهلة وطعمه حلو




ومكوناته كالتالى:




نصف كيلو خوخ




ربع كوب سكر




ربع كوب عسل جلوكوز(ممكن نستبدله بعسل نحل)




فانيليا




الطريقة




هنقشر الخوخ بنفس الطريقة اللى قلناها قبل كده وهنشيل منه البذر وهنحطه مع السكر فى المحضرة









ونضيفلهم عسل الجلوكوز والفانيليا









ونشغل عليهم لمدة دقيقتين لغاية مالخوخ يبقى بيوريه والمكونات تمتزج ونحطه فى علبة محكمة الغلق









ونحطه فى الفريزر ونقلبه كل 6 ساعات عشان ميكونش كتل تلجية والسوربيه بياخد فى التجميد وقت اكتر من الايس كريم









وقدمته تانى يوم
































يارب موضوعى البسيط ده يكون عجبكم

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
 
ايس كريم الخوخ وسوربيه الخوخ من مطبخ الشيف مونى بالصور
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشيف مونى :: مطبخ الشيف مونى :: الحلويات :: عصائر وفواكه وايس كريم-
انتقل الى: