منتدى الشيف مونى

منتدى متخصص فى المطبخ

 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 تورتة نجوم الشوكولاته من مطبخ الشيف مونى بالصور

اذهب الى الأسفل 
كاتب الموضوعرسالة
الشيف موني



عدد المساهمات : 279
تاريخ التسجيل : 31/07/2011
العمر : 32
الموقع : elshefmony.mam9.com

مُساهمةموضوع: تورتة نجوم الشوكولاته من مطبخ الشيف مونى بالصور   الخميس مارس 20, 2014 4:57 pm

السلام عليكم ورحمة الله
التورتة دى بصراحة ملقتلهاش اسم فسمتها تورتة نجوم الشوكولاته على اساس ان فيها نجوم
مكونات الكيك الإسفنجى:
نصف كيلو دقيق سبونش (مضاف ليه كل شىء ماعدا البيض والمياه)
5 بيضات كبار
نصف كوب مياه
مكونات الحشو:
ربع كيلو كريم شانتى خام
ربع كوب حليب بودرة
5 معالق كبار سكر بودرة
ماء مثلج
مكونات صوص الشوكولاته:
كوب ونصف كاكاو نسكويك
كوب الا ربع سكر
كوب ماء
2 ملعقة كبيرة زبدة
2 ملعقة كبيرة عسل جلوكوز(ممكن استبداله بعسل نحل او سيرب تقيل)

وللتزيين هنحتاج:
ورقة ترانسفير

نصف كيلو شوكولاته
لولى الوان

اول حاجة هنحط دقيق الاسبونش فى بولا ويفضل يكون بحرارة الغرفة



ونضيفله البيض والماء



ونضربهم على اقصى سرعة بالمضرب الكهربائى لمدة لاتقل عن 7 دقايق متواصل وهنلاقى قوامه تكاثف وبقى كريمى






ونحط خليط الكيك فى صينية مقاس 24 وممكن 26







ونخبزها فى الفرن انا بساويها فى فرن هادى وطبعا كل واحد فرنه بيختلف عن التانى وطبعا هنختبرها قبل مانطلعها



ونقلبها على ورق خبز



ونسيبها فى التلاجة لمدة يوم كامل وتانى يوم نجهز ادوات التقطيع والحشو بتاعتنا



ونقسم الكيكة لتلاته



وفى الوقت ده هنكون جهزنا الكريم شانتى بس مش هنحشى بيه الكيكة هنجهز صوص الشوكولاته
هنحط السكر والميه على النار



وبمجرد مايدوب السكر هنضيفلهم الكاكاو



ونقلب بالويسك كويس كل ده والنار شغالة ولما يدوب الكاكاو هنضيف الزبدة



ونضيف اخر حاجة عسل الجلوكوز









ونقلبهم كويس ونسيبهم على النار واول مايغلى نرفعه من على النار



ونسيبه يبرد او نحطه فى التلاجة لغاية مايبرد ونضيف جزء منه على الكريم شانتى اللى عملناه



ونضربهم بالمضرب عشان يمتزجوا



ونبدأ نحشى بيه الكيكة ونغلفها



ونحطها فى التلاجة لمدة لاتقل عن ساعة ولما تخرج نبدأ نغلفها بصوص الشوكولاته اللى عملناه بس لازم يكون بارد والكيكة باردة



وهنجيب ورق مخصوص للحلويات ومطبوع عليه رسومات مختلفة اسمه شيت ترانسفير وهنقسمه بالنص عشان الشغل بيه يبقى سهل علينا



وهنجيب شوكولاته نوعها كويس
النوع ده كويس او اى نوع تانى



ونقطعها او نبشرها ونسيحها على حمام ميه ونفردها عليه وورقة الترانسفير الواحدة بتاخد نصف كيلو شوكولاته



والمفروض الشوكولاته متبقاش سخنة اوى هنسيبها لما تجمد عليه بس مندخلهاش التلاجة لأنها لو جمدت اوى وجينا نشتغل بيها هتتكسر مننا
وهنجيب شكل النجمة ويستحسن تكون معدن او استلس مش بلاستيك وهنضغط بيها على الشوكولاته هتطلعلنا شكل نجمة مطبوعة زى اللى انتو شايفنها على التورتة








وكمان جبت شكل دايرة صغيرة شكلت بيها




طبعا المفروض صوص الشوكولاته يبقى مع اسبونش كاكاو مش فانيليا بس بصراحة انا بحب طعم سبونش الفانيليا مع صوص الشوكولاته
وده شكلها النهائى






وهنا بعد ماقسمتها



يارب موضوعى البسيط ده يكون عجبكم

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
 
تورتة نجوم الشوكولاته من مطبخ الشيف مونى بالصور
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشيف مونى :: مطبخ الشيف مونى :: الحلويات :: التورتات والجاتوهات والكيكات-
انتقل الى: