منتدى الشيف مونى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الشيف مونى

منتدى متخصص فى المطبخ

 
الرئيسيةالبوابةأحدث الصورالتسجيلدخول

 

 تارت التفاح من مطبخى بالتفصيل والصور

اذهب الى الأسفل 
كاتب الموضوعرسالة
الشيف موني

avatar


عدد المساهمات : 279
تاريخ التسجيل : 31/07/2011
العمر : 37
الموقع : elshefmony.mam9.com

تارت التفاح من مطبخى بالتفصيل والصور Empty
مُساهمةموضوع: تارت التفاح من مطبخى بالتفصيل والصور   تارت التفاح من مطبخى بالتفصيل والصور Icon_minitimeالخميس أغسطس 04, 2011 1:34 am

السلام عليكم ورحمة الله وبركاته
دى طريقة تارت التفاح الاصلية

نبدأ بسم الله
المقادير للعجينة
ربع كوب ماء-بيضة(احمر)-ملعقة كبيرة خل-2كوب دقيق-نص ملعقة صغير ملح -ربع كوب زيت-ربع كوب سمن-كيس فانيليا
المقادير للحشو
5 تفاحات مقطعين مكعبات-كوب ونص سكر ابيض عادى-ملعقتين كبار قرفة(حسب
الرغبة ممكن تزودى او تنقصى)-ملعقتين كبار سمنة وبردو ممكن تزودى
اول حاجة هنجيب البيضة والفانيليا والخل والميه ونضربهم مع بعض
نسيبهم ونجيب بولا تانيه نحط فيها الدقيق وعليه الزيت والسمنة وندعكهم بايدينا
بصراحة انا لما عجنتهم لقتهم ناعمين اوى فزودت دقيق لغاية مابقت عاملة زى فتافيت العيش
بعض كده حطيت البيض والخل اللى ضربناهم على الدقيق ونعجنهم هنلاقيها ناعمة وسهلة التشكيل
نركن دلوقتى العجينة
نيجى للحشو نحط التفاح المتقطع مع القرفة والسكر والسمنة ونخلطهم بايدينا
خلى بالكم المقادير دى سواء العجينة او الحشو لصينية مقاس 24
نجيب الصينية وندهنها سمنة
ونقسم العجينة كورتين كورة عادية وكورة اكبر شوية
الكبيرة دى اللى هنغطى بيها الحشو
نفرد الكورة الصغيرة بالنشابة ونحطها فى الصينية ولو فيه زيادات نشيلها بعد
كده نحط الحشو ونفرد الكورة الكبيرة ونغطى بيها الحشو بأحكام يعنى تقفلى
على الحشو كويس اوى
وتخرمى الوش من فوق بالشوكة
نيجى بقى للخبز
انا خبزتها على حرارة 125
بتاخد ساعة تقريبا
وعايزة اقولكم سر
اى حاجة بخبزها فى الفرن عشان متنشفش وتتلسع من تحت بحط من تحت اقصد الصاجة اللى فوق النار صينية فيها ميه
بحيث انها بتبقى تحت الصينية اللى بنعمل فيها الحاجة
بتدى طراوة للحاجة اللى بنخبزها وتخليها متتحرقش
بعد نص ساعة هتلاقيها الحشو نزل منه صوص
هتطلعى الصينية وتاخدى الصوص ده بالمعلقة تسقى بيه الوش من فوق وتدخليها الفرن تانى
ولما تحسى انها استوت والوش احمر تطفى وتشغلى الشواية عشان تاخد لمعة من فوق
دلوقتى بقى هسيبكم مع الصور بالتفصيل


تارت التفاح من مطبخى بالتفصيل والصور 134



تارت التفاح من مطبخى بالتفصيل والصور 231



تارت التفاح من مطبخى بالتفصيل والصور 332



تارت التفاح من مطبخى بالتفصيل والصور 434


تارت التفاح من مطبخى بالتفصيل والصور 533



تارت التفاح من مطبخى بالتفصيل والصور 629



تارت التفاح من مطبخى بالتفصيل والصور 729

دى بعد ربع ساعة من مادخلتها الفرن واللى تحتها دى الصينية اللى فيها ميه اللى قلت عليها



تارت التفاح من مطبخى بالتفصيل والصور 829

دى لما طلعتها وحطيت الصوص على الوش


تارت التفاح من مطبخى بالتفصيل والصور 923

دى لما استوت وطلعتها من الفرن قبل التقطيع



تارت التفاح من مطبخى بالتفصيل والصور 1018
الرجوع الى أعلى الصفحة اذهب الى الأسفل
https://elshefmony.mam9.com
 
تارت التفاح من مطبخى بالتفصيل والصور
الرجوع الى أعلى الصفحة 
صفحة 1 من اصل 1
 مواضيع مماثلة
-
» مينى تارت الشوكولاته من مطبخ الشيف مونى بالصور
» تارت الجناش والكراميل من مطبخ الشيف مونى بالصور
» شترودل التفاح من مطبخ الشيف مونى بالصور
» كيكة التفاح البلوريه من مطبخ الشيف موني بالصور
» تارت الشوكولاته من مطبخ الشيف موني (يوتيوب)

صلاحيات هذا المنتدى:لاتستطيع الرد على المواضيع في هذا المنتدى
منتدى الشيف مونى :: مطبخ الشيف مونى :: الحلويات :: المعجنات والفطائر والتارت-
انتقل الى: