عدد المساهمات : 279 تاريخ التسجيل : 31/07/2011 العمر : 37 الموقع : elshefmony.mam9.com
موضوع: جلاش عش البلبل من مطبخ الشيف مونى بالصور الخميس أبريل 04, 2013 10:24 pm
السلام عليكم ورحمة الله الوصفة دى انا اتعلمتها من إحدى صديقاتى على منتدى فتكات ونفذتها فى مطبخى وصورتها ويارب تعجبكم المقادير لفة جلاش يعنى حوالى نصف كيلو سمنة سايحة سيرب كريم شانتيه كريز للتزيين او حسب الرغبة الطريقة هنجيب ورقة الجلاش ونقسمها بالطول
ونجيب اى حاجة عندنا زى قلم طويل مثلا او عصاية خشب رفيعه ونلف عليه ورقة الجلاش بس مش لغاية الاخر نسيب الجزء عشان ده اللى هيكون القاعدة بتاعتنا اللى هنحط عليها الكريم شانتيه
ونكشكشها بإيدينا
ونسحب القلم منها وأول مانسحبه نلفها على شكل دايرة ونخلى الجزء اللى تركنا من الورقة تحت مش حول الدايرة ونرصها فى صينيه لما نخلص وندهنها بالسمنة
ونسيبها تبرد شوية ونعمل فيها وردة بالكريم شانتيه وممكن على فكرة بدل الكريم شانتيه نحط كريمة لبانى او قشدة يعنى الحشو والتزيين ده طبعا حسب الرغبة وكمان فيه ملحوظة مهمة لازم الجلاش يكون طازج وحتى لما يكون طازج لما تيجى تكشكشى الورقة وتلفيها هتتكسر منك فالحل انك تجيبى فوطة مندية يعنى مبلولة ميه ومعصورة كويس اوى تحطيها على الورقة اللى عليها الدور تلفيها كده هتبقى طرية معاكى وبتتشكل من غير ماتتكسر وده شكل الطبق النهائى
موضوع: جلاش عش البلبل من مطبخ الشيف مونى بالصور 
الخميس أبريل 04, 2013 10:24 pm
