منتدى الشيف مونى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الشيف مونى

منتدى متخصص فى المطبخ

 
الرئيسيةالبوابةأحدث الصورالتسجيلدخول

 

  تورتة بصوص الكاكاو للمبتدئات من مطبخ الشيف مونى

اذهب الى الأسفل 
كاتب الموضوعرسالة
الشيف موني

avatar


عدد المساهمات : 279
تاريخ التسجيل : 31/07/2011
العمر : 37
الموقع : elshefmony.mam9.com

 تورتة بصوص الكاكاو للمبتدئات من مطبخ الشيف مونى Empty
مُساهمةموضوع: تورتة بصوص الكاكاو للمبتدئات من مطبخ الشيف مونى    تورتة بصوص الكاكاو للمبتدئات من مطبخ الشيف مونى Icon_minitimeالجمعة أكتوبر 04, 2013 1:23 pm


السلام عليكم ورحمة الله
كل عام وأنتم بخير
ان شاء الله العام القادم كلنا نكون متجمعين على عرفات


انا عملت الموضوع ده بعد ماجاتلى اسئلة كتير عن الكيكة الاسفنجية
والتورتات فحبيت اعمل تورتة بسيطة اى مبتدئة او مبتدىء يعرفو يعملوها
اولا بالنسبة للكيكات الاسفنجية وليها 3 طرق
الطريقة الاولى وهى الطريقة التقليدية وهى اننا بنفصل البياض عن الصفار وبنقلب العجينة بخفة وندخلها الفرن بالراحة عشان الكيكة متهبطش وطبعا الطريقة دى غير انها صعبة وبتاخد وقت جدا كمان مش مضمونة ولما بتنجح الكيكة بتكون ناشفة من جوة وبتحتاج اننا نحطلها سيرب او مربى عشان نطريها
الطريقة التانيه اننا نحط محسن جيل ودى اسهل واضمن من الطريقة الاولى وبتنجح مع ناس كتير بس بردو فيه ناس مبتنجحش معاهم الطريقة دى والكيكة بتهبط من النصف لسببين ان المحسن الجيل بيبقى قديم ومركون فبيكون بايز او بسبب حرارة الفرن
الطريقة التالته بقى ودى اسهل طريقة واضمنها وكمان احلاهم طعما وهى اننا نستخدم دقيق الاسبونش الجاهز وده بيتباع فى محلات خامات الحلويات وممكن عند العطارين الكبار وبنضيفله المياه والبيض فقط وبتطلع الكيكة هشة وطريةومرتفعة جدا ومش بنحتاج نحطلها سيرب او مربى لما بنقسمها ودى الطريقة اللى عملت بيها الموضوع ودايما دى الطريقة اللى بستخدمها




ندخل بقى على مقادير كيكتنا وهى:
نصف كيلو دقيق سبونش(وطبعا دقيق الاسبونش بيكون مضاف ليه كل شىء يعنى الفانيليا والسكر والمحسن والبيكنج بودر احنا فقط بنضيفله البيض والمياه انا بجيب السايب التورتة بتاخد نصف كيلو هتلاقوه عند العطارين الكبار او فى محلات خامات الحلويات لو بلدكم مفيهاش السايب ممكن تجيبوه من السوبر ماركت فيه نوع الطحان كويس جدا او بيتى كروكر وده احسن من الطحان وكمان فيه نوع تونسى اسمه فنواز وده كويس جدا بردو)
6 بيضات كبار
نصف كوب مياه
مقادير صوص الكاكاو وبردو مقاديره بسيطة جدا لأى مبتدئة
كوب الا ربع كاكاو خام
كوب الا ربع سكر
كوب لبن حليب(ممكن نستبدل اللبن بمياه)
قطعة زبدة طرية
ملعقة صغيرة عسل نحل للتلميع
2 ملعقة صغيرة جيلاتين بودرة متدوبين فى شوية مياه
مقادير الكريم شانتى:
ربع كيلو كريم شانتى خام مش اكياس جاهزة
نصف كوب لبن بودرة
7 معالق كبيرة سكر بودرة
2 وربع كوب ماء مثلج(ممكن تستبدلى اللبن البودرة والماء المثلج بلبن حليب بس انا بحب الطريقة دى بيكون طعمه احلى)
وللتزيين هنحتاج:
ربع كيلو فارمسيل
ملبس الوان


الاول ده شكل دقيق الاسبونش


 تورتة بصوص الكاكاو للمبتدئات من مطبخ الشيف مونى 110



هنحط كل مقادير الكيكة على بعض


 تورتة بصوص الكاكاو للمبتدئات من مطبخ الشيف مونى 210



وهنضرب الخليط بالمضرب الكهربائة من مدة 7 ل10 دقايق وطبعا كل مانضرب اكتر كل ماالنتيجة هتكون احسن لأن نوع الدقيق ده معتمد على الخفق المستمر
وده شكل الخليط بعد ماضربناه لمدة 10 دقايق هيكون خفيف وكريمى بالشكل ده


 تورتة بصوص الكاكاو للمبتدئات من مطبخ الشيف مونى 310



وحطيت الخليط ده فى صينية مقاس 24 وممكن 26
وخبزتها فى فرن منخفض الحرارة لمدة ساعة وشوية وطبعا قبل مابطلعها بختبرها من النصف بشوكة وطبعا كل واحد وفرنها وده شكل الكيكة لما طلعناها من الفرن


 تورتة بصوص الكاكاو للمبتدئات من مطبخ الشيف مونى 410




وقلبتها على ورق زبدة


 تورتة بصوص الكاكاو للمبتدئات من مطبخ الشيف مونى 510



وطبعا لازم نسيبها فى التلاجة لمدة يوم كامل عشان لما نقطعها متتبهدلش مننا لأنها بتكون هشة جدا من جوة وطرية
وتانى يوم هنقطعها ونحط عليها الكريم شانتى
وحبيت اصورلكم الادوات اللى بستخدمها فى التقطيع والفرد ودى طبعا بتسهل الموضوع جدا




 تورتة بصوص الكاكاو للمبتدئات من مطبخ الشيف مونى 610


وقبل ماأقسم الكيكة بعلم علامة فى الجنب بالكريم شانتى عشان لما اقسمها اعرف مكان كل طبقة وارجعها مكانها والكيكة تكون متساوية
قسمتها ل3


 تورتة بصوص الكاكاو للمبتدئات من مطبخ الشيف مونى 710



وبدأت احشيها بالكريم شانتى وغطتها كلها بيه


 تورتة بصوص الكاكاو للمبتدئات من مطبخ الشيف مونى 810



ودخلتها التلاجة عشان الكريم شانتى يجمد عليها ولما نحط عليها الفارمسيل يمسك بسهولة
وبدأت احضر صوص الكاكاو
فى حلة صغيرة هحط الزبدة والكاكاو والسكر


 تورتة بصوص الكاكاو للمبتدئات من مطبخ الشيف مونى 910



وهنحط عليهم اللبن


 تورتة بصوص الكاكاو للمبتدئات من مطبخ الشيف مونى 1010



وهنحط كل ده على النار مع التقليب لغاية ماكل المكونات تمتزج مع بعضها وده شكل الصوص قبل ماأضيف عليه الجيلاتين والعسل النحل


 تورتة بصوص الكاكاو للمبتدئات من مطبخ الشيف مونى 1110




وده شكل الجيلاتين


 تورتة بصوص الكاكاو للمبتدئات من مطبخ الشيف مونى 1210



وصوص الكاكاو بيغلى على النار هنضيف للجيلاتين مياه عادية من الحنفية يعنى نقطتين وندوب فيهم الجيلاتين ونضيفهم على الصوص ونطفى بعد مايغلى لمدة دقيقة ونضيف معلقة عسل النحل ونقلب ونسيب الصوص يبرد وطبعا عسل النحل ده هو اللى بيخلى الصوص بيلمع مش مطفى وانا بحب احطه على اى صوص حتى على الجناش
نطلع الكيكة اللى غطيناها بالكريم شانتى ونبدء نحط الفارمسيل فى الجناب ومن فوق نعمل وردات
ودى شكل البلبلة اللى استخدمتها للوردات


 تورتة بصوص الكاكاو للمبتدئات من مطبخ الشيف مونى 1310



وفى النص هنحط الصوص ونحط عليه الملبس الصوص مش هينزل على الفارمسيل لأننا هنكون قافلين عليه بالوردات وطبعا لازم نحط الصوص لما يبرد عشان لو كان سخن اوى هينزل على الفارمسل ويبوزلنا الموضوع
معلش انا ذاكرة تفاصيل التفاصيل وفيه ستات وبنات هتقول ماحنا عارفين كل ده انا عارفة طبعا ان الموضوع ده بسيط جدا بالنسبة للمحترفات او حتى الستات الشاطرين بس زى ماقلتلكم انا عاملة الموضوع ده للمبتدئات
وده شكل التورتة النهائى

 تورتة بصوص الكاكاو للمبتدئات من مطبخ الشيف مونى 1410





 تورتة بصوص الكاكاو للمبتدئات من مطبخ الشيف مونى 1510



ودى شكلها من جوة لما اتقطعت


 تورتة بصوص الكاكاو للمبتدئات من مطبخ الشيف مونى 1610



يارب موضوعى البسيط ده يكون عجبك
ولاتنسونى فى دعائكم

الرجوع الى أعلى الصفحة اذهب الى الأسفل
https://elshefmony.mam9.com
 
تورتة بصوص الكاكاو للمبتدئات من مطبخ الشيف مونى
الرجوع الى أعلى الصفحة 
صفحة 1 من اصل 1
 مواضيع مماثلة
-
» تورتة بصوص الشوكولاته البيضاء والفراولة للمبتدئات من مطبخ الشيف مونى بالصور
» تورتة الفاكهة والشوكولاته للمبتدئات من مطبخ الشيف مونى بالصور
» تورتة عيد ميلاد بسيطة وشيك بجناش الشوكولاته للمبتدئات من مطبخ الشيف مونى بالصور
» شوكليت كيك للمبتدئات من مطبخ الشيف مونى بالصور
» تورتة البلاك فورست من مطبخ الشيف مونى بالصور

صلاحيات هذا المنتدى:لاتستطيع الرد على المواضيع في هذا المنتدى
منتدى الشيف مونى :: مطبخ الشيف مونى :: الحلويات :: التورتات والجاتوهات والكيكات-
انتقل الى: