منتدى الشيف مونى

منتدى متخصص فى المطبخ

 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 تورتة المربى والشيكولاته بلمسات الشيف مونى بالصور

اذهب الى الأسفل 
كاتب الموضوعرسالة
الشيف موني



عدد المساهمات : 279
تاريخ التسجيل : 31/07/2011
العمر : 32
الموقع : elshefmony.mam9.com

مُساهمةموضوع: تورتة المربى والشيكولاته بلمسات الشيف مونى بالصور   السبت نوفمبر 17, 2012 11:46 am

السلام عليكم ورحمة الله
كل عام وانتم بخير بمناسبة العام الهجرى الجديد
ان شاء الله يبقى عام سعيد على جميع المسلمين
انا من فترة عملت تورتة وصورت خطواتها
وهنزلها دلوقتى ان شاء الله
اول حاجة مقادير الكيكة
انا اخترعت المقادير دى بعد تجارب كتير ونجحت معايا الحمد لله
6 بيضات كبار
2 ونصف كوب دقيق ناقص معلقة كبيرة
ملعقة كبيرة كاكاو خام
كوب زبدة جامدة
ملعقة كبيرة بيكنج بودر
كوب وربع سكر
فانيليا
كوب مياه
الطريقة
فى بولا هنحط الزبدة مع السكر


وهنضربهم كويس بالمضرب


وهنحط عليهم البيض والفانيليا


وهنضربهم كويس


ونحط عليهم بقية المقادير اللى هى الكاكاو والدقيق والبيكنج بودر والمياه


ونضربهم ونبطن الصينية اللى هنحط فيها الخليط بالسمنة والدقيق
هى غير لاصقة بس انا بحب اخد احتياطاتى


ونحط فيها الخليط

دخلتها الفرن لغاية ماتستوى وده شكلها بعد ماستوت


وقلبتها على ورق زبدة


دخلتها التلاجة وقسمتها تانى يوم

وبدأت احشيها كريم شانتيه


وغطتها كلها بالكريم شانتيه


ودخلتها التلاجه لمدة نصف ساعة او اكتر
وبدأت اعمل فى صوص الشيكولاته اللى هو مقاديره
كوب الا ربع كاكاو خام
كوب الا ربع مياه وممكن استبداله بلبن
قطعة كبيرة زبدة
نص كوب سكر او اكتر حسب الرغبة
2 ملعقة صغيرة جيلاتين بودرة مذوبين فى مياه بارده من الحنفية
والطريقة هى
هنحط الزبدة والسكر مع الكاكاو فى حلة على النار

ونحط عليهم الميه
وندوب الجيلاتين فى مياه باردة وده شكله

ونحط الجيلاتين على الصوص ونسيبهم يغلو وبعد كده نطفى النار

ونصفى الصوص عشان اى كلاكيع فيه متكونش موجودة


ونسيبه يبرد شوية
فى الوقت ده نطلع الكيكة ونبدأ فى التزيين
وانا قسمتها بالوردات وحشيت مربى وطبعا المربى لازم تكون بره التلاجه قبلها بفتره والصوص اللى عملته
وحطيت فى الجناب فارمسيل
وده بقى شكلها





يارب موضوعى يكون عجبكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elshefmony.mam9.com
 
تورتة المربى والشيكولاته بلمسات الشيف مونى بالصور
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشيف مونى :: مطبخ الشيف مونى :: الحلويات :: التورتات والجاتوهات والكيكات-
انتقل الى: